དཔྱིད་ཀྱི་དཔལ་ཡོན་དལ་གྱིས་སླེབས་པ་དང་བསྟུན་ནས་མགོ་ལོག་ས་ཆའི་ནམ་ཟླ་ཡང་ཇེ་དྲོར་སོང་སྟེ་མི་ཚང་མས་དགུན་ལྭ་མཐུག་པོ་དེ་ཕུད་ནས་ག་ས་གང་དུ་སོས་དལ་བག་ཕེབས་ངང་ཡར་འགྲོ་མར་ཡོང་བྱེད་ཀྱིན་ཡོད་ལ། མགོ་བོད་རིགས་རང་སྐྱོང་ཁུལ་གཅིག་སྒྲིག་རྫོང་གཉན་པོ་གཡུ་རྩེའི་ཇ་ཁང་ནང་མི་རྣམས་ཀྱི་དགའ་སྤྲོའི་དགོད་སྒྲ་བར་མེད་དུ་ཁྱབ་ཡོང་།
གསར་འགོད་པ་མི་རྣམས་ཀྱི་དགོད་སྒྲའི་ཕྱོགས་སུ་ཆས་ཏེ་ཇ་ཁང་དེའི་ནང་ཐོན་པ་དང་། གནས་དེ་རུ་བོད་རིགས་དང་རྒྱ་རིགས། ཧོས་རིགས། ཟ་ལར་རིགས་སོགས་མང་ཚོགས་མཉམ་དུ་འདུས་ནས་སྤྲོ་སྣང་གིས་ཁ་བརྡ་བྱེད་བཞིན་ཡོད།
མི་རྣམས་ཁོམ་སྐབས་སུ་གནས་འདིར་ཡོང་བར་དགའ་བ་དང་འདི་ནས་རང་རང་གི་དགའ་ཕྱོགས་གླེང་བ་དང་མི་རིགས་སོ་སོའི་དོན་དག་གླེང་བས། ཕན་ཚུན་གྱི་བརྩེ་དུང་ཇེ་ཟབ་ཏུ་སོང་བ་དང་ཐོས་རྒྱ་དང་མཐོང་རྒྱ་ཡང་ཇེ་ཆེར་སོང་། ལོ་དྲུག་ཅུ་རེ་བརྒྱད་ལ་བུད་པའི་ཨ་ནེ་ལོ་ལོན་སྒྲོལདཀར་ནི་ཇ་ཁང་འདིའི་ནང་ཡོང་དུ་བའི་མགྲོན་པོ་ཡིན། མོས་མགོ་ལོག་གཅིག་སྒྲིལ་རྫོང་གི་འགྱུར་ལྡོག་ལ་བདེན་དཔང་བྱས།
ཉེ་བའི་ལོ་འགའི་རིང་ལ་། མགོ་ལོག་བོད་རིགས་རང་སྐྱོང་ཁུལ་གཅིག་སྒྲིལ་རྫོང་གིས་མི་རིགས་མཐུན་སྒྲིལ་དང་མཉམ་དུ་འཕེལ་རྒྱས་སུ་གཏོང་བའི་ལས་འགན་དེར་དམིགས་
