ཟླ8ཚེས4ཉིན། གསར་འགོད་པས་གྲོང་ཁྱེར་ཁེ་རོའི་རྒྱ་སྲང་ནས། མུའུ་ཨར་ཞིས་ལ་རྒྱབ་སྐྱོར་བྱེད་མཁན་ཚོས་བསླངས་པའི་རྔམ་སྟོན་ཁྲོམ་སྐོར་གྱི་མུ་སྔར་ལྟར་སྐྱོང་བཞིན་པའི་གནས་ཚུལ་དེ་མཐོང་། ཁེ་རོའི་མེ་འཁོར་ས་ཚིགས་ཀྱི་ཉེ་འདབས་སུ། མུའུ་ཨར་ཞིས་ལ་རྒྱབ་སྐྱོར་བྱེད་མཁན་འབངས་མི་སྟོང་ཕྲག་འགའ་ཞིག་གིས་མུའུ་ཨར་ཞིས་ཀྱི་ཁོག་སྟོད་འདྲ་པར་མཐོན་པོར་བཀྱགས་ནས་ཁྲོམ་སྲང་དུ་འགྲོ་བཞིན་ཡོད། དབྱི་སི་ལན་གྱི་མིང་ལ་ཨ་ཏ་བེས་ཡ་ཆོས་ཁང་ཟེར་བའི་འདུ་ར་དང་། བསྐྱར་དར་འདུ་ར་གཉིས་སུ་མུའུ་ཨར་ཞིས་ལ་རྒྱབ་སྐྱོར་བྱེད་མཁན་ཚོས་འཇམ་སྡོད་རྔམ་སྟོན་བྱེད་པ་དེས་ཀྱང་སྔར་བཞིན་དུ་མུ་སྐྱོང་བཞིན་མཆིས། དེ་དང་ཆབས་ཅིག ཨ་མེ་རི་ཁ་དང་ཡོ་རུབ་གླིང་གི་མཐོ་རིམ་དཔོན་རིགས་ཚོས་ཨེ་ཅིབ་ལ་འགྲིག་འདུམ་གྱི་བྱ་བ་སྤེལ་གྱིན་ཡོད་པས། ཁ་གཏད་དུ་ལངས་པའི་ཕྱོགས་ཁག་གཉིས་བར་གྱི་ཛ་དྲག་གནས་བབ་ལ་ཅུང་ཟད་ཞི་འཇམ་གྱི་སྐྱ་རེངས་འཆར་མགོ་ཚུགས།

ཨ་མེ་རི་ཁ་དང་ཡོ་རུབ་གླིང་གཉིས་ཀྱི་མཐོ་རིམ་དཔོན་རིགས་ཚོའི་འགྲོ་འོང་ལ་རྒྱུན་ཆད་མེད་པ།

ཨེ་ཅིབ་དཔོན་ཕྱོགས་འཕྲིན་གཏོང་ཁང་གི་ཀྲུང་ཏུང་ས་ཁུལ་གྱི་འཕྲིན་གཏོང་ཁང་གིས་ཟླ8ཚེས3ཉིན་གནས་ཚུལ་སྤེལ་བ་ལྟར་ན། རྒྱལ་ས་ཁེ་རོ་ལ་འཚམས་འདྲི་བྱེད་བཞིན་པའི་ཨ་མེ་རི་ཁའི་རྒྱལ་