སི་རི་ཡ་རྒྱལ་ཁབ་ཀྱི་གནས་བབ་དེ་རྫས་འགྱུར་མཚོན་ཆ་བཀོལ་སོང་ཟེར་བའི་སྟེང་ནས་སྟབས་ཅིག་ལ་སྟག་འགྱིང་གཟིག་འགྱིང་དང་མདའ་མོ་ལྟོང་སྦྱོར་གྱི་ཚུལ་དུ་སོང་། སི་རི་ཡ་སྲིད་གཞུང་དང་ངོ་རྒོལ་ཕྱོགས་ཁག་གཉིས་ཀྱིས་ཕན་ཚུན་ལ་རྫས་འགྱུར་མཚོན་ཆ་བཀོལ་སོང་ཟེར་ནས་སྐྱོན་འཛུགས་བྱེད་རེས་བྱེད་བཞིན་པའི་དུས་སྐབས་ཏེ། ཟླ8ཚེས26ཉིན། མཉམ་འབྲེལ་རྒྱལ་ཚོགས་ཀྱི་སི་རི་ཡའི་རྫས་འགྱུར་མཚོན་ཆ་བཀོལ་མིན་ཐད་ཀྱི་གནད་དོན་ལ་གསལ་ཁ་འབྱེད་པའི་རྩད་གཅོད་ཚན་ཆུང་དེ་དོན་དག་བྱུང་སའི་ཡུལ་དངོས་ལ་རྩད་གཅོད་དུ་སོང་བ་དེ་ཀུན་གྱི་དོ་སྣང་བྱ་ཡུལ་དུ་གྱུར། མཉམ་འབྲེལ་རྒྱལ་ཚོགས་ཀྱི་རྩད་གཅོད་ཚན་ཆུང་གིས་སི་རི་ཡའི་ཕྱོགས་ཁག་གང་ཞིག་གིས་རྫས་འགྱུར་མཚོན་ཆ་བཀོལ་བ་ཡིན་མིན་མིང་འདོགས་གཏན་འཁེལ་བྱེད་མི་སྲིད་ཅེས་བཤད་མོད། འོན་ཀྱང་དབྱིན་ཇི་དང་ཧྥ་རན་སི་རྒྱལ་ཁབ་གཉིས་ཀས་མངོན་ལྐོག་མེད་པར་སི་རི་ཡ་སྲིད་གཞུང་གིས་རྫས་འགྱུར་མཚོན་ཆ་བཀོལ་སོང་ཞེས་ཟེར། ཨ་མེ་རི་ཁའི་ཙུང་ཐུང་ཨོ་པ་མ་ཡིས་ཚེས24ཉིན་དང་། ཚེས25ཉིན་གཉིས་ལ་སོ་སོར་དབྱིན་ཇིའི་དབུ་གཙོ་ཁཱ་མེ་ལོན་དང་། ཧྥ་རན་སིའི་ཙུང་ཐུང་ཨོ་ལིང་ཏི་རྣམ་གཉིས་ལ་ཁ་པར་གྱི་ལམ་ནས་འབྲེལ་གཏུག་བྱས་ཏེ། རང་རང་གི་དེའི་ངོས་ཀྱི་ལངས་ཕྱོགས་ལ་མཐུན་སྦྱོར་བྱས། ཨ་མེ་རི་ཁ་དང་དབྱི