ཨ་མེ་རི་ཁའི་ཤར་རྒྱུད་ཀྱི་དུས་ཚོད། ཟླ8ཚེས31ཉིན་གྱི་ཕྱི་དྲོའི་དུས་ཚོད་གཅིག་དང་སྐར་མ་ལྔ་བཅུའི་ཐོག ཨ་མེ་རི་ཁའི་ཙུང་ཐུང་ཨོ་པ་མ་ཡིས་ཕོ་བྲང་དཀར་པོ་ནས། ཨ་མེ་རི་ཁས་སི་རི་ཡ་ལ་སྤྱོད་པའི་སྲིད་ཇུས་སྐོར་གཏམ་བཤད་གནང་། ཨོ་པ་མ་ཡིས་བཤད་རྒྱུར། ཁོས་སི་རི་ཡ་ལ“སྒོ་འབྱེད་རང་བཞིན་མ་ཡིན་པའམ།”“ཚད་ཡོད་ཁྱབ་ཁོངས།”ངོས་ཀྱི་དམག་དོན་ཆམ་ཕབ་སྟེར་རྒྱུའི་ཐག་བཅད་པ་ཡིན་ཞེས་ཟེར། ཡིན་ནའང་ཨོ་པ་མ་ཡིས་ནན་བཤད་ཀྱི་ཚུལ་དུ་བསྟན་དོན། ཐག་གཅོད་དེ་ལ་ཨ་མེ་རི་ཁའི་རྒྱལ་ཚོགས་ཀྱི་ཆོག་མཆན་འཐོབ་དགོས། གལ་སྲིད་ཨ་མེ་རི་ཁའི་རྒྱལ་ཚོགས་འཐད་པ་བྱུང་ཚེ། ཁོས་སྲིད་འཛིན་གྱི་བཀའ་རྒྱ་འབེབས་ངེས་ཟེར། ཨ་མེ་རི་ཁའི་རྒྱལ་ཚོགས་ཀྱི་གྲོས་ཁང་གོང་ཞོལ་གཉིས་ནི་ད་ལྟ་ཚོགས་གྲོལ་ནས་མལ་གསོའི་དུས་སྐབས་ཡིན་པས། ཕྱིར་འཚོགས་ཀྱི་དུས་ནི་ཟླ9ཚེས9ཉིན་ཡིན།

ཧོ་ལན་རྒྱལ་ཁབ་ཀྱི་ལུའུ་ཐི་ཏན་ཟེར་བའི་གནམ་གྲུ་ཐང་དུ་གསར་འགྱུར་མགྲིན་ཚབ་པས་ཟླ8ཚེས31ཉིན་བཤད་རྒྱུར། མཉམ་འབྲེལ་རྒྱལ་ཚོགས་ཀྱི་སི་རི་ཡའི་རྫས་འགྱུར་མཚོན་ཆ་རྩད་གཅོད་ཚན་ཆུང་གི་ཁོངས་མི་རྣམས་དྲུད་པའི་གནམ་གྲུ་ཉིན་དེར་ཧོ་ལན་རྒྱལ་ཁབ་ཏུ་འཕུར་འོངས་ཤིང་། ཁོ་ཚོ་དང་མཉམ་ཡོང་བྱེད་པའི་ཁྲོད་ད་དུང་སི་རི་ཡ་ནས་རྩད་གཅོད་འཚོལ་ས