ཨ་མེ་རི་ཁ་དང་ཨུ་རུ་སི་གཉིས་ཀྱིས་རྫས་འགྱུར་མཚོན་ཆའི་གནད་དོན་ཐད་ལ་སྒྲོམ་གཞི་ལྟ་བུའི་གྲོས་ཆོད་བཞག་རྗེས། སི་རི་ཡའི་སྲིད་གཞུང་དང་ངོ་རྒོལ་ཕྱོགས་ཁག་གཉིས་ཀྱིས་ཡང་བསྐྱར་རང་རང་གི་སྟོབས་ཤུགས་ཡོད་ཚད་གཡུལ་སའི་ཐོག་ཏུ་འབུད་མགོ་བརྩམས། སི་རི་ཡའི་དཔོན་ཕྱོགས་ནས་བཤད་པ་ལྟར་ན། སྲིད་གཞུང་དམག་དཔུང་གིས་ཉེ་ལམ་བསྟུད་མར་གྲོང་ཁྱེར་ཏ་མ་ཧྲི་ཀིའི་ཉེ་འདབས་དང་། ཧཱ་མ་དང་ལཱ་ཐ་ཅིས་ཡ་ཟེར་བའི་ས་ཆ་སོགས་ནས་ངོ་རྒོལ་ཕྱོགས་ཁག་ལ་ཕར་རྒོལ་བྱས་པར་མ་ཟད། ད་དུང་གྲོང་ཁྱེར་ཏཱེ་ཨར་ཙུའུ་ཨར་གྱི་ལྟེ་གནས་སུ་ཡོད་པའི་མིང་ལ་རྒྱལ་ཁའི་འཐབ་ཕྱོགས་དབྱི་སི་ལན་ཆོས་ལུགས་ལས་ཁུངས་ཟེར་བའི་སྤྱི་ཁྱབ་པུའུ་རྩ་མེད་དུ་བཏང་ཟེར།
ཨ་མེ་རི་ཁའི་ཙུང་ཐུང་ཨོ་པ་མ་ཡིས་ཟླ9ཚེས14ཉིན་གསལ་སྒྲོག་སྤེལ་དོན། ཨ་མེ་རི་ཁ་དང་ཨུ་རུ་སི་གཉིས་ཀྱིས་སི་རི་ཡའི་རྫས་འགྱུར་མཚོན་ཆ་མེད་བརླག་གཏོང་བའི་ཐད་ལ་བཞག་པའི་སྒྲོམ་གཞི་ལྟ་བུའི་གྲོས་ཆོད་ལ་དགའ་བསུ་ཞུ་ཞེས་ཟེར། དུས་མཚུངས་སུ་ཨོ་པ་མས་བཤད་རྒྱུར། གལ་སྲིད་སི་རི་ཡ་སྲིད་གཞུང་གིས་གྲོས་ཆོད་དེ་ལ་བརྩི་སྲུང་མི་བྱེད་པ་ཡིན་ཕྱིན། རྒྱུ་མཐུན་གྱི་འབྲས་བུ་ངན་པ་བསྐྱེད་སྲིད་པས། བརྒྱ་ལ་ཕྱི་འབྲེལ་གྱི་ཐབས་ལམ་ལ་ནུས་པ་ཤོར་ཚེ། ཨ་མེ་རི་ཁས་དེ་མཐུན་གྱི་བྱ་སྤྱོད་སྤེལ་
