དབྱིན་ཇིའི་རྒྱང་སྒྲོག་ཀུང་ཟིས་བསྒྲགས་པའི་གནས་ཚུལ་ལྟར་ན། ཨ་ཧྥུ་ཧན་གྱི་ཙུང་ཐུང་ཁཱ་ཨར་ཀྲ་དབྱིས་ཀྱིས་ཟླ10ཚེས7ཉིན་བྱང་ཆིངས་རྩ་འཛུགས་དང་ཨ་མེ་རི་ཁ་སོགས་ཀྱིས་ཨ་ཧྥུ་ཧན་ལ་སྤྱད་པའི་སྲིད་ཇུས་ལ་འདུལ་གཏམ་དྲག་པོ་བཏང་སྟེ། འདས་པའི་ལོ་ངོ་བཅུ་ལྷག་གི་ནང་དུ། བྱང་ཆིངས་རྩ་འཛུགས་ཀྱིས་ཨ་ཧྥུ་ཧན་རྒྱལ་ཁབ་ལ་དཀའ་སྡུག་ཆེན་པོ་བཟོས་པར་མ་ཟད། མི་གྲངས་འབོར་ཆེན་ཤི་རྨས་ཐེབས་སུ་བཅུག་མོད། འོན་ཀྱང་ཨ་ཧྥུ་ཧན་རྒྱལ་ནང་གི་བདེ་འཇགས་གནས་བབ་དེ་སྔར་སོར་ལྟར་གནས་ཡོད་པས། བརྟན་འཇགས་ཤིག་འབྱུང་དཀའ་བའི་ཚུལ་དུ་ཡོད་ཅེས་ཟེར། གཞན་ཡང་། ཨ་ཧྥུ་ཧན་དུ་སྡོད་པའི་བྱང་ཆིངས་རྩ་འཛུགས་དམག་དཔུང་གི་དམིགས་འབེན་ལའང་ཡོ་གཟིར་ཤོར་ཡོད་པ་དང་། དེའི་དམིགས་གཏོད་བྱེད་སའང་ཐཱ་ལིས་པན་རྩ་འཛུགས་ལ་འཇབ་རྒོལ་མང་དུ་བྱ་རྒྱུ་དེ་མིན་པར། ཨ་ཧྥུ་ཧན་གྱི་ཉེས་མེད་མི་སེར་རྣམས་རེད།
ཁཱ་ཨར་ཀྲ་དབྱིས་ཀྱིས་བསྟན་དོན། ཁོའི་མིག་སྔར་གྱི་ལས་འགན་གཙོ་བོ་ནི་ཨ་ཧྥུ་ཧན་རྒྱལ་ཁབ་ལ་ཞི་བདེ་དང་བདེ་འཇགས་ཁྱེར་ཡོང་རྒྱུ་དེ་ཡིན་མོད། འོན་ཀྱང་བྱང་ཆིངས་རྩ་འཛུགས་ཀྱི་འཇིགས་རྒོལ་དམག་འཁྲུག་གིས་སྔར་ཡོད་ཀྱི་ཐབས་བཀོད་ནང་ལྟར། སྐབས་མཐུན་གྱི་ས་གནས་སུ་ལག་བསྟར་བྱས་མེད་ཟེར། གཞན་ཡང་། བྱང་ཆིངས་རྩ་འཛུགས་དམག་དཔུང་གི་བྱ་སྤྱོ
