ཨ་མེ་རི་ཁའི་གྲོས་ཁང་གསང་འཕྲིན་ཨུ་ཡོན་ལྷན་ཁང་གི་ཀྲུའུ་ཞི་ཧྥན་དབྱིན་སི་ཐཱན་གྱིས་ཟླ10ཚེས29ཉིན་གསལ་བསྒྲགས་སྤེལ་ནས་བཤད་དོན། ཕོ་བྲང་དཀར་པོས་མནའ་འབྲེལ་རྒྱལ་ཁབ་ཁག་ལ་ལྐོག་ཉན་བྱེད་མཚམས་འཇོག་པར་ཁས་བླངས་ཟིན་པས། མོས་དོན་དེ་ལ་རྒྱབ་རོགས་བྱེད་པའི་བསམ་པ་བསྟན་པ་ཡིན་ཞེས་ཟེར།

ཧྥན་དབྱིན་སི་ཐཱན་གྱིས་བཤད་རྒྱུར། མོས་ཁོང་དུ་ཆུད་པའི་གནས་ཚུལ་ལྟར་ན། ཨ་མེ་རི་ཁའི་ཙུང་ཐུང་ཨོ་པ་མ་ཡིས་འཇར་མན་རྒྱལ་ཁབ་ཀྱི་ཙུང་ལིས་མའོ་ཁི་ཨར་ལ་ལྐོག་ཉན་བྱེད་པའི་བྱ་འགུལ་དེ་རྩ་བ་ནས་མི་ཤེས་ཤིང་། གལ་སྲིད་དེ་བདེན་ན་དེ་ནི་གནད་དོན་ཚབས་ཆེན་ཞིག་ཡིན་ཞེས་ཟེར། ཨ་མེ་རི་ཁའི་གསང་འཕྲིན་ཁོངས་གཏོགས་ཀྱི་ལྐོག་ལྟ་ལྐོག་ཉན་བྱ་འགུལ་འགའ་རེ་ནི་ལག་བསྟར་བྱས་ནས་ལོ་བཅུ་ལྷག་རེ་འགོར་ཡོད་མོད། འོན་ཀྱང་གྲོས་ཁང་གསང་འཕྲིན་ཨུ་ཡོན་ལྷན་ཁང་གིས་དོན་དེ་རྒྱུས་ལོན་བྱས་ཚུལ་ལ་ཚད་ཡོད་པར་བརྟེན། གསང་འཕྲིན་ལྐོག་ཉན་བྱེད་པའི་ལས་གཞི་ཡོད་ཚད་ལ་ཞིབ་བཤེར་ཕུ་ཐག་ཆོད་པ་བྱེད་པའི་དགོས་པ་ཡོད་ཟེར།

ཨ་མེ་རི་ཁའི་རྒྱལ་སྲིད་སྤྱི་ཁྱབ་ཁང་གི་མགྲིན་ཚབ་པ་ཕུའུ་ས་ཅིས་ཀྱིས་ཚེས28ཉིན་ཁས་བླངས་ནས་བཤད་རྒྱུར། ཨ་མེ་རི་ཁས་ཕྱི་རྒྱལ་ལ་ལྐོག་ཉན་བྱས་པའི་ལས་གཞི་དེས་ཨ་མེ་རི་ཁ་དང་རང་གི་མནའ་འབྲེལ་རྒྱལ་ཁབ་ཁག་བར་གྱི