ཡུལ་དེའི་དུས་ཚོད2013ལོའི་ཟླ12ཚེས30ཉིན་གྱི་དུས་ཚོད་བརྒྱད་ཡས་མས་སུ། ཨུ་རུ་སིའི་ལྷོ་རྒྱུད་གྲོང་ཁྱེར་ཧྥུའུ་ཨར་ཅ་ཀི་ལི་ནས་ལྕགས་ལམ་བཏིང་མེད་མེད་པའི་གློག་སྒུལ་རླངས་འཁོར་ཞིག་ལ་འགས་གཏོར་བྱུང་སྟེ། མི15ཤི་བ་དང་། མི་མང་པོ་ཞིག་ལ་རྨས་སྐྱོན་ཕོག དེ་ནི་ཚེས29ཉིན་གྱི་སྔ་དྲོར་གྲོང་ཁྱེར་དེའི་མེ་འཁོར་ས་ཚིགས་ནས་འགས་གཏོར་བྱུང་རྗེས་ཀྱི་རྒྱུན་མཐུད་དུ་བྱུང་བའི་འཇིགས་སྐུལ་འཇབ་རྒོལ་དོན་རྐྱེན་ཐེངས་གཉིས་པ་རེད་ལ། དུས་ཡུན་ཐུང་ཐུང་ཟླ་ངོ་གཉིས་ལྷག་གི་ནང་དུ་ཨུ་རུ་སི་ནས་བྱུང་བའི་འཇིགས་སྐུལ་འཇབ་རྒོལ་དོན་རྐྱེན་ཐེངས་བཞི་བའང་རེད། རྒྱལ་སྤྱིའི་སྤྱི་ཚོགས་ཀྱིས་ཧྥུའུ་ཨར་ཅ་ཀི་ལི་ནས་བྱུང་བའི་འཇིགས་སྐུལ་འཇབ་རྒོལ་དོན་རྐྱེན་དེ་ལ་ལང་ལོང་སྒོས་སྐྱོན་འཛུགས་དྲག་པོ་བྱས།
ཨུ་རུ་སིའི་སོ་ཆིས་ནས་བསྡུ་རྒྱུ་ཡིན་པའི་དགུན་དུས་ཨོ་རྩལ་འགྲན་ཚོགས་འཚོགས་པའི་བར་དུ་གཟའ་འཁོར་ལྔ་དྲུག་ཙམ་གྱི་དུས་ཚོད་ལས་མེད་པས། གོང་སྨོས་འཇིགས་སྐུལ་འཇབ་རྒོལ་དོན་རྐྱེན་གྱིས་རྒྱལ་སྤྱིའི་སྤྱི་ཚོགས་ལ་སོ་ཆིས་དགུན་དུས་ཀྱི་ཨོ་རྩལ་འགྲན་ཚོགས་ཀྱི་བདེ་འཇགས་ལ་སེམས་ཁྲལ་སྐྱེས་སུ་བཅུག ཡིན་ནའང་ཨུ་རུ་སིའི་ཆེད་མཁས་ཚོས་ཡོངས་ཁྱབ་ཏུ་བལྟས་ན། ཨུ་རུ་སི་སྲིད་གཞུང་གིས་འཇིགས་སྐུལ་འཇབ་རྒོལ་ལ་ཁ་གཏད