གཅིག ཀྲུང་གོའི་མགོ་ཁྲིད་པ་གསར་བའི་རིམ་གྲས་ཀྱིས་ཕྱི་ཕྱོགས་སུ་འཚམས་འདྲི་གནང་སྟེ་ཕྱི་འབྲེལ་གྱི་རྣམ་པ་གསར་བ་གསར་བཏོད་བྱས་པ།

2013ལོའི་ཟླ3པར། ཀྲུའུ་ཞི་ཞིས་ཅིན་ཕཱིན་ཐོག་དང་པོར་འཚམས་འདྲིར་ཕེབས་པའི་ཁྲོད། འཚམས་འདྲི་བྱ་ཡུལ་ཐོག་མ་ཨུ་རུ་སི་བདམས་ནས་ཀྲུང་གོ་དང་ཨུ་རུ་སི་གཉིས་ཀའི་ཕྱོགས་ཡོངས་ཀྱི་འཐབ་ཇུས་རོགས་ལས་གྲོགས་པོའི་འབྲེལ་བ་དེ་དུས་རིམ་གསར་བ་ཞིག་ཏུ་སྐུལ་འདེད་བཏང་། ཟླ6པར། ཀྲུང་གོ་དང་ཨ་མེ་རི་ཁ་རྒྱལ་ཁབ་གཉིས་ཀའི་དབུ་གཙོ་ཡིས་ཨན་ན་པེ་ཀི་ཟེར་བའི་གཞིས་ཀ་ནས་མཉམ་འཛོམས་བྱས་ཏེ། ཀྲུང་གོ་དང་ཨ་མེ་རི་ཁ་གཉིས་ཀས་མཉམ་དུ་རྒྱལ་ཁབ་ཆེན་པོའི་བར་གྱི་འབྲེལ་བ་གསར་བ་འཛུགས་པའི་དུས་སྐབས་གསར་བའི་སྒོ་མོ་ཕྱེས། ལོ་ངོ་གཅིག་གི་རིང་ལ། སྐབས་གསར་བའི་ཀྲུང་དབྱང་མགོ་ཁྲིད་ཚོགས་པས་ཨེ་ཤ་ཡ་དང་། ཨ་ཧྥེ་རི་ཁ། ཡོ་རུབ་གླིང་། མེ་གླིང་བཅས་ཀྱི་རྒྱལ་ཁབ་ལ་འཚམས་འདྲི་གནང་སྟེ། “ཀྲུང་གོའི་ཕུགས་བསམ།”དང་། “འཛམ་གླིང་གི་ཕུགས་བསམ།”བར་གྱི་འབྲེལ་བ་རྒྱས་བཤད་བྱས་ནས། ལས་སྐལ་ཐུན་མོང་ཚོགས་པའི་འདུ་ཤེས་འཛུགས་རྒྱུར་ནན་བཤད་བྱས་པ་དང་། དར་གོས་ཚོང་ལམ་རྒྱུད་ཀྱི་དཔལ་འབྱོར་ས་ཁུལ་དང་། དུས་རབས་ཉེར་གཅིག་པའི་མཚོ་ཐོག་གི་དར་གོས་ཚོང་ལམ་འཛུགས་པ། ཀྲུང་ག