ཉེ་ལམ། དབྱིན་ཇི་དང་། འཇར་མན། ཨུ་རུ་སི། ཨ་ཧྥེ་རི་ཁ་ལྷོ་མ་སོགས་རྒྱལ་ཁབ་བཅུ་ཕྲག་འགར་སྡོད་པའི་རང་རྒྱལ་གྱི་གཞུང་ཚབ་ཁང་སོ་སོས་ལང་ལོང་དུ་རྒྱལ་ཁབ་དེ་དག་གི་སྨྱན་བྱེད་གཙོ་གྲས་ཁག་གི་བཅར་འདྲི་དང་ལེན་བྱས་ནས། འཇར་པན་རྒྱལ་ཁབ་ཀྱི་དབུ་བཞུགས་བློན་ཆེན་ཨན་པེས་ཅིན་སན་གྱིས་ཅིན་ཀོ་ལྷ་ཁང་ལ་མཆོད་བཀུར་བྱས་པ་དང་། ལོ་རྒྱུས་ལ་སྣང་མེད་བྱས་པའི་བྱ་སྤྱོད་ལ་ཁ་རྡུང་བཏང་བ་དེ་ནི་རྒྱལ་སྤྱིའི་སྤྱི་ཚོགས་ཀྱིས་ཡོངས་ཁྱབ་ཏུ་དོ་ཁུར་དང་མཉམ་འབོད་བྱ་ཡུལ་དུ་གྱུར།
དབྱིན་ཇིར་སྡོད་པའི་ཀྲུང་གོའི་གཞུང་ཚབ་པ་ཆེན་མོ་ལིག་ཞོ་མཱིན་གྱིས་དབྱིན་ཇིའི«ཉིན་རེའི་གློག་འཕྲིན་ཚགས་པར།»ཐོག་ཁ་ཡིག་ལ«འཇར་པན་དམག་རྒྱལ་རིང་ལུགས་ནི་བདུད་རྒན་གཤེད་མ་ལག་རིང་དངོས་རེད།»ཅེས་པའི་རྩོམ་ཡིག་བྲིས་ནས། འཇར་པན་དམག་རྒྱལ་རིང་ལུགས་དེ་སྒྲུང་གཏམ«ཧྭ་ལིས•པོ་ཐི།»ཟེར་བའི་ནང་གི་བདུད་རྒན་གཤེད་མ་ལག་རིང་ལ་དཔེ་འཇོག་བྱས་ཏེ། ཀྲུང་གོའི་ལངས་ཕྱོགས་ཅི་ཡིན་པ་དེ་གསལ་བར་བསྟན་ཡོད། དབྱིན་ཇིའི་ཀློག་པ་པོ་རྣམས་དང་དྲ་གྲོགས་ཚོས་དེ་ལ་ཚུར་སྣང་རབ་ཏུ་འཁོལ་བ་བསྟན། ལ་ལས་བལྟས་ན། ཀྲུང་གོའི་གཞུང་ཚབ་པ་ཆེན་མོའི་ལྟ་བ་དེ་གསལ་ཐག་ཆོད་ཅིང་། ལུང་ཁུངས་བཙུན་ལ་གོ་བརྡ་སྤྲོད་ན