སི་རི་ཡའི་ཧོ་མུའུ་སི་གནའ་མཁར་གྱི་མི་ཆོས་རིང་ལུགས་ཀྱི་རྒྱུ་ལམ་དེ་ད་ལོའི་ཟླ2ཚེས16ཉིན་དངོས་སུ་བཅད་པ་རེད། འདས་པའི་ཉིན་དགུའི་རིང་ལ། གནའ་མཁར་དེའི་ནང་བཙན་བཀག་བྱས་པའི་མི་ཕལ་ཆེར1500ཡས་མས་ཕྱིར་འཐེན་བྱེད་ཐུབ་པ་བྱུང་། ཁོ་ཚོས་ཇི་ལྟར་ཉིན་ལྔ་བརྒྱ་ལྷག་ལ་བཙན་བཀག་ཐེབས་པའི་ཉི་མ་དེ་ཕར་བརྒལ་བྱས་པ་ཡིན་ནམ། ཡང་བཙན་བཀག་གི་རྒྱ་ལས་ཇི་ལྟར་ཐར་བ་ཡིན་ནམ། གསར་འགོད་པ་ཆེད་དུ་ཉིན་འགའི་སྔོན་ལ་ཡང་བསྐྱར་སི་རི་ཡའི་འཇིགས་ཉེན་བྱུང་ནས་ལོ་ངོ་གསུམ་ཙམ་གྱི་རིང་ལ་གླེང་གནད་ཆེས་གཙོ་བོར་གྱུར་པའི་ས་ཁུལ་ཏེ། ཧོ་མུའུ་སི་ལ་བསྐྱོད་ནས། ཡུལ་དེའི་མི་ཚོས་བཤད་པའི་ཁོ་ཚོའི་བརྒྱུད་མྱོང་ལ་ཉན་པ་ཡིན།

གསར་འགོད་པའི་བཅར་འདྲི་ཐེངས་འགར་མེ་མདའ་གྲགས་སྐད་ཀྱིས་མཚམས་བཅད།

ཧོ་མུའུ་སི་ཞེས་པའི་མིང་དེ་ཐོག་མ་གྷི་རིག་གི་སྐད་ལས་བྱུང་བ་ཡིན་ལ། དེའི་དོན་ནི་ཉི་མའི་ཁྱིམ་ལྷ་ཞེས་པའི་དོན་ཡིན་ཟེར།

སི་རི་ཡའི་མི་ཚོའི་མཐོང་སྣང་དུ། ཧོ་མུའུ་སི་ནི་ལྷ་ཡུལ་དང་གཉིས་སུ་མ་མཆིས་པའི་གྲོང་ཁྱེར་ཞིག་ཏུ་བརྩིས་ཡོད་ལ། ཡུལ་དེའི་མཁའ་དབུགས་མི་ལ་ཆེས་ཆེར་འཕྲོད་པས། གང་ས་གང་དུ་སི་རི་ཡའི་ཁྱད་ཆོས་ཡར་ལྡན་དུ་ཚང་བའི་མཛེས་ལྗོངས་དང་ལོ་རྒྱུས་རིག་གནས་ཀྱི་ཤུལ་བཞག་གིས་ཁེངས་འདུག སི་རི་ཡ་ར