ཕ་ཀི་སི་ཐན་གྱི་དམག་དཔུང་ཕྱོགས་ནས་ཟླ2ཚེས23ཉིན་འཐབ་འཛིང་གནམ་གྲུ་མངགས་ཏེ། ཁེ་པོ་ཨར་ཚོ་ཁག་ས་ཁུལ་ལ་བར་སྣང་ནས་འཇབ་རྒོལ་བྱས་པས། དྲག་ཆས་མི་སྣ18བསད་པར་མ་ཟད། ཁོ་ཚོའི་དམག་སྦྱོང་བྱེད་སའི་རྟེན་གཞིའང་མེད་བརླག་ཏུ་བཏང་། དེ་ནི་ཟླ་འདིའི་ཚེས20ཉིན་ཕ་ཀི་སི་ཐན་རྒྱལ་ཁབ་ཀྱི་ཙུང་ལིས་ཞེ་ལིས་ཧྥུའུ་ཡིས་ཝ་ཅིས་ལིས་སི་ཐན་བྱང་མ་དང་ཁེ་པོ་ཨར་ཚོ་ཁག་ས་ཁུལ་དུ་བར་སྣང་ནས་འཇབ་རྒོལ་བྱ་རྒྱུ་ཆོག་མཆན་བཀོད་པའི་ཚུན་ལ། ཕ་ཀི་སི་ཐན་དམག་དཔུང་ཕྱོགས་ཀྱིས་བསླངས་པའི་ཆམ་ཕབ་གཏོང་བའི་བྱ་སྤྱོད་ཐེངས་གསུམ་པ་རེད། སྨྱན་བྱེད་སྡེ་ཁག་གི་དཔྱད་གཏམ་པའི་འདོད་ཚུལ་དུ། ཕ་ཀི་སི་ཐན་སྲིད་གཞུང་གིས་རེབ་འདིའི་བྱ་སྤྱོད་བརྒྱུད་ནས། ཐཱ་ལིས་པན་ལ་འཇིགས་སྣང་ཆགས་སུ་འཇུག་པ་དང་། ཁོ་ཚོར་དཔུང་འཇུག་བྱེད་མཚམས་འཇོག་ཏུ་བཅུག་སྟེ། ཡང་བསྐྱར་སྲིད་གཞུང་དང་གྲོས་མོལ་བྱེད་པར་ནན་སྐུལ་གཏོང་ནུས་པའི་རེ་བ་བཅངས་ཡོད་སྙམ།

ཕ་ཀི་སི་ཐན་རྒྱལ་ཁབ་ཀྱི་ཉེ་བའི་དུས་སྐབས་ནང་གི་ཞི་བའི་གྲོས་མོལ་ལ་ཕྱིར་དྲན་རེ་བྱས་ན། དེའི་རྒྱུད་རིམ་ཀྱག་ཀྱོག་ལྡན་པ་ཞིག་ཡིན་ཚུལ་མཐོང་མི་ཐུབ་རྒྱུ་མེད་དེ། ཟླ1ཚེས29ཉིན། ཞེ་ལིས་ཧྥུའུ་ཡིས་གྲོས་མོལ་ཨུ་ཡོན་ལྷན་ཁང་བཙུགས་ནས་ཐཱ་ལིས་པན་དང་གྲོས་མོལ་བྱ་རྒྱུའི་ཁྱབ་བསྒྲགས་བྱས། ཟླ2ཚེས