སི་རི་ཡ་སྲིད་གཞུང་དམག་དཔུང་གིས་སྔོན་ཏག་ཏག་ལ་རྒྱལ་ས་ཏ་མ་ཧྲི་ཀི་དང་བར་ཐག་ཧ་ལམ་སྤྱི་ལེ60ལས་མེད་པའི་མ་ལུའུ་ལ་གྲོང་རྡལ་ཕྱིར་བླངས་ཞེས་བསྒྲགས། གནས་དེ་ནི་འདས་པའི་དུས་སུ་སི་རི་ཡའི་སྣ་མང་ཅན་གྱི་རིག་གནས་དང་ཕུགས་རིང་བའི་ལོ་རྒྱུས་ཀྱི་དཔེ་མཚོན་ལྟ་བུར་གྱུར་མྱོང་མོད། འོན་ཀྱང་དམག་འཁྲུག་གི་འཇིགས་ཉེན་བྱུང་བའི་ཚུན་ལ། མི་གྲངས་སྟོང་ཕྲག་འགའ་ལས་མེད་པའི་གྲོང་རྡལ་ཆུང་བ་དེ་ཡང་དམག་འཁྲུག་གི་མེ་ལྕེ་མཆེད་པའི་ཁྲོད་ནས་གང་སར་གཏོར་བརླགས་ཚབས་ཆེན་ཐེབས་ཡོད། སྲིད་གཞུང་དམག་དཔུང་དང་ངོ་རྒོལ་ཕྱོགས་ཁག་གཉིས་ཀྱིས་གནས་འདི་ནས་ཕར་བདའ་ཚུར་བདའི་ཚུལ་གྱི་འཕྲོག་རྩོད་ཀྱི་འཐབ་འཁྲུག་ཐེངས་མང་བཀྱེས་པས། ཡུལ་དེ་སྐད་ཅིག་ཉིད་ལ་མདའ་དང་མདེའུ་འཕུར་ས་དང་དུད་ཞག་འཐིབས་སའི“འདྲེ་མཁར།”ལྟ་བུ་ཞིག་ཏུ་ཆགས་སུ་བཅུག་པ་དང་། གནས་དེའི་སྣ་མང་ཅན་གྱི་རིག་གནས་ལ་དེ་བས་ཀྱང་གནོད་སྐྱོན་ཚབས་ཆེན་བཟོས། དམྱལ་བའི་སྡུག་བསྔལ་ལན་འགར་བརྒྱུད་མྱོང་བའི་མ་ལུའུ་ལ་གྲོང་རྡལ་གྱིས། ད་ལྟ་དཀའ་ཚེགས་ལ་མགོ་མི་སྒུར་བའི་