ཨ་མེ་རི་ཁའི་རྒྱལ་ཚོགས་དམངས་གྲོས་ཁང་གིས་ཟླ་བདུན་པའི་ཚེས་སུམ་ཅུ་ཉིན་འདེམ་ཤོག་མང་ཉུང་གི་མཇུག་འབྲས་ལ་བལྟས་ནས་གུང་ཧི་ཏང་གིས་བཏོན་པའི་ཙུང་ཐུང་ཨོ་པཱ་མ་ཞུ་གཏུགས་བྱེད་པའི་འཆར་གཞི་ལ་ཆོག་མཆན་བཀོད། གུང་ཧི་ཏང་གིས་ཙུང་ཐུང་པེ་ལཱ་ཁི.ཨོ་པཱ་མ་ཡིས་ཉིས་སྟོང་བཅུ་ལོར་སྨན་བཅོས་མ་ལག་བཅོས་སྒྱུར་བྱེད་པའི་གྱོད་དོན་ཁྲོད་སྲིད་འཛིན་དབང་ཆ་གང་དགར་སྤྱད་ཡོད་པར་འདོད་ཡོད།
ཨོ་པཱ་མ་ཡིས་ཕྱིར་ལན་འདེབས་རྒྱུར། རྒྱལ་ཚོགས་ཀྱིས་ངེས་པར་དུ་དོན་དངོས་མང་པོ་སྒྲུབ་དགོས་པ་ལས་ཆབ་སྲིད་ལ་བརྟེན་ནས་རང་ཉིད་དྲིལ་སྒྲོག་བྱེད་པའི་བྱེད་ཐབས་བརྒྱུད་དེ་ད་ལོའི་རྒྱལ་ཚོགས་ཀྱི་དུས་རིམ་བར་མའི་འདེམ་ཤོག་འཐེན་པར་མི་བྱེད་པར་བྱེད་དགོས་ཟེར།
ཙུང་ཐུང་ཨོ་པཱ་མ་ཞུ་གཏུགས་བྱེད་པའི་འཆར་གཞི་དེ་ལ་དམངས་གྲོས་ཁང་གི་འདེམ་ཤོག་ཉིས་བརྒྱ་དང་ཉེར་ལྔ་འཐད་པ་བྱུང་བ་དང་། འདེམ་ཤོག་ཉིས་བརྒྱ་དང་གཅིག་གིས་ངོ་རྒོལ་བྱས། དམངས་གྲོས་ཁང་གི་གྲོས་མི་ཡོངས་རྫོགས་དང་གུང་ཧི་ཏང་གི་དམངས་གྲོས་ཁང་གི་གྲོས་མི་ལྔས་ངོ་རྒ
