དེང་གི་འཛམ་གླིང་ནི་ཞི་འཇགས་ཤིག་མིན། འཛམ་གླིང་འཁྲུག་ཆེན་དང་པོ་མཇུག་སྒྲིལ་ནས་ལོ་ངོ་གོ་དྲུག་དང་། འཛམ་གླིང་འཁྲུག་ཆེན་གཉིས་པ་མཇུག་སྒྲིལ་ནས་ལོ་ངོ་རེ་དགུ། འཇམ་འཐབ་མཇུག་སྒྲིལ་ནས་ལོ་ངོ་ཉེར་ལྔ་འགོར་སོང་ནའང་། ཨ་མེ་རི་ཁས་བདམས་རྟགས་བརྒྱབས་པའི་དབུས་ཤར་ས་ཁུལ་སྔར་བཞིན་ཛ་དྲག་ཆེ་ལ། ཨུ་རུ་སུ་དང་ནུབ་ཕྱོགས་རྒྱལ་ཁབ་བར་གྱི་ཝུའུ་ཁུ་ལན་དང་། བྱང་ཕྱོགས་འཐབ་འཁྲུག་དོན་རྐྱེན་སྔར་ལས་ཛ་དྲག་ཆེ། དེ་དང་མཉམ་དུ། འཐབ་རའི་ཕྱི་ཕྱོགས་ཀྱི་བསྡུར་ཚད་ཀྱང་མཚམས་འཇོག་བྱས་མེད་དེ། དཔེར་ན་དཔལ་འབྱོར་བཀག་སྡོམ་ལྟ་བུ་རེད།
བཀག་སྡོམ་ནི་མིག་སྔའི་རྒྱལ་སྤྱིའི་གསར་འགྱུར་ཁྲོད་ཆེས་རྒྱུགས་ཆེ་བའི་ཐ་སྙད་ཅིག་རེད། ཨ་མེ་རི་ཁ་དང་ཡོ་རོབ་གླིང་། འཇར་པན་བཅས་ཀྱིས་མཉམ་སྦྲེལ་སྒོས་ཨུ་རུ་སུ་ལ་བཀག་སྡོམ་བྱེད་པའི་བྱེད་ཐབས་གསར་བ་བསྒྲགས། ཨུ་རུ་སུས་ཀྱང་རང་ཉིད་ཉམས་ང་བའི་ཚུལ་མ་བསྟན། མིག་སྔར་བསྒྲགས་པའི་བྱེད་ཐབས་ནང་དུ་རོ་མ་ནི་ཡ་ནས་ནང་འདྲེན་བྱེད་པའི་ནོར་ཤ་མཚམས་འཇོག་པ་དང་། ཕོ་ལན་ནས་ནང་འདྲེན་བྱེད་པའི་སིལ་ཏོག་དང་སྔོ་ཚོད་འགོག་པ། སེ་ཨར་ཝེ་ཡ་ནས་ནང་འདྲེན་བྱེད་པའི་ཅུ་ལི་དང་། ལ་ཐེ་ཝ་ཡེའི་འོ་ཕྱེ། ཀེ་རེ་སི་སིལ་ཏོག། ཨ་མེ་རི་ཁའི་ཁྱིམ་བྱ། ཝུའུ་ཁུ་ལན་གྱི་ཟས་རིགས་ཐོན་རྫས་སོགས་བཀ