ཨ་མེ་རི་ཁའི་སྨྱན་བྱད་གཙོ་གྲས་གཉིས་ཀྱིས་ཚེས་དྲུག་ཉིན་དམངས་ཀྱི་འདོད་བློར་རྟོག་ཞིབ་བྱས་པའི་མཉམ་འབྲེལ་གསལ་བསྒྲགས་ནང་བསྟན་དོན། ཨ་མེ་རི་ཁའི་ཙུང་ཐུང་ཨོ་པཱ་མ་ལ་ཟླ་བདུན་པར་རྒྱབ་སྐྱོར་བྱེད་མཁན་བརྒྱ་ཆའི་བཞི་བཅུ་ལས་མེད་པ་དང་། དེ་ནི་ཁོས་སྲིད་བཟུང་བ་ནས་རྒྱབ་སྐྱོར་བྱེད་མཁན་ཆེས་ཉུང་བའི་སྐབས་ཤིག་རེད། དེ་ལས་གཞན། རྟོག་ཞིབ་དང་ལེན་བྱེད་མཁན་ཁྲོད་ཀྱི་བརྒྱ་ཆའི་དོན་དྲུག་གི་མིས་ཨ་མེ་རི་ཁའི་རབས་རྗེས་མའི་འཚོ་བ་དེ་ད་ལྟ་ལའང་མི་དོ་བར་ངོས་འཛིན་བཞིན་ཡོད།
ཨ་མེ་རི་ཁས་ཧྭ་ཨར་སྲང་ལམ་དང་རྒྱལ་ཡོངས་རྒྱང་སྒྲགས་ཀུང་ཟིའི་དམངས་ཀྱི་འདོད་བློར་རྟོག་ཞིབ་བྱས་པའི་མཉམ་འབྲེལ་གསལ་བསྒྲགས་ཅིག་གི་ནང་བཤད་རྒྱུར། ཨོ་པཱ་མ་ལ་རྒྱབ་སྐྱོར་བྱེད་པའི་ཚད་དེ་ཟླ་དྲུག་པ་དང་བསྡུར་ན་བརྒྱ་ཆའི་གཅིག་གིས་ཇེ་ཉུང་དུ་སོང་བ་དང་། རྒྱབ་སྐྱོར་མི་བྱེད་པའི་ཚད་དེ་བརྒྱ་ཆའི་ང་བཞི་ལ་བསླེབས་ཟེར།
བརྒྱ་ཆའི་དོན་གཅིག་གི་རྟོག་ཞིབ་དང་ལེན་བྱེད་མཁན་གྱིས་དཔལ་འབྱོར་གྱི་གནས་བབ་མི་བཟང་བའི་རྒྱུ་མཚན་དེ་སྲིད་གཞུང་ལ་ནུས་པ་མེད་པའི་རྒྱུ་མཚན་ཡིན་པར་འདོད་པ་དང་། རྟོག་ཞིབ་དང་ལེན་བྱེད་མཁན་མང་པོས་བལྟས་ན། གུང་ཧི་ཏང་གིས་བཀག་འགོག་བྱས་པར་བརྟེན། དུས་རིམ་བར་མའི་འདེམ་བསྐོའི་སྔོན་ལ། ཨོ་པཱ
