1963ལོར་ཨར་ཅི་རི་ཡ་ཡིས་བཏོན་པའི་སྨན་བཅོས་རོགས་སྐྱོར་གྱི་རེ་བ་དང་ལེན་བྱས་པར། ཀྲུང་གོ་སྲིད་གཞུང་གིས་རྒྱལ་ནང་གི་ཆེས་ཕུལ་དུ་བྱུང་བའི་སྨན་བཅོས་སྟོབས་ཤུགས་རྩ་འཛུགས་བྱས་ནས་ཧྥེ་གླིང་ལ་རོགས་སྐྱོར་བྱེད་པའི་སྨན་བཅོས་རུ་ཁག་དང་པོ་མངགས། དེའི་རྗེས་ཀྱི་ལོ་ངོ་ལྔ་བཅུའི་རིང་། ཀྲུང་གོས་ཧྥེ་གླིང་ལ་རོགས་སྐྱོར་བྱེད་པའི་སྨན་བཅོས་རུ་ཁག་གི་ཞབས་རྗེས་ཧྥེ་གླིང་གི་རྒྱལ་ཁབ་དང་ས་ཁུལ་ལྔ་བཅུ་ལྷག་ལ་ཁྱབ་བརྡལ་དུ་སོང་། དུས་རབས་ཕྱེད་ཙམ་འདས་པའི་དེ་རིང་སྟེ། ཨེ་པོ་ལ་ནད་ཡམས་ཀྱིས་ཧྥེ་གླིང་ནུབ་ཕྱོགས་སུ་མནར་གཅོད་གཏོང་བའི་སྐབས་འདིར། ཀྲུང་གོ་སྲིད་གཞུང་གིས་ཡང་བསྐྱར་བརྩེ་བའི་ལག་ཟུང་བརྐྱངས་ཏེ། སྨན་བཅོས་དངོས་པོ་དང་ཆེད་ལས་མཁས་པ་རྩ་འཛུགས་བྱས་ནས་ཀྲུང་གོ་དང་ཧྥེ་གླིང་གི་ཕུ་ནུ་ལྟ་བུའི་བརྩེ་འདང་མངོན་པར་བྱས།
ཟླ་བརྒྱད་པའི་ཚེས་བཅུ་གཅིག་ཉིན་ནས་བཟུང་། ཀྲུང་གོ་སྲིད་གཞུང་གིས་ཀི་ནེ་ཡ་དང་སི་རིལ་ཨོང་། ལི་པེ་རི་ཡ་བཅས་རྒྱལ་ཁབ་གསུམ་ལ་ཞལ་འདེབས་སུ་ཕུལ་བའི་མི་དམངས་ཤོག་སྒོར་བྱེ་བ་གསུམ་གྱི་མི་ཆོས་རིང་ལུགས་ཀྱི་དངོས་རྫས་དང་མངགས་གཏོང་བྱས་པའི་སྨན་བཅོས་ཆེད་མཁས་པའི་རུ་ཁག་གསུམ་སྔ་གཞུག་ཏུ་འབྲེལ་ཡོད་རྒྱལ་ཁབ་སོ་སོར་ཐོན།
ལ་རིང་བོས་རྟ་ཕོའི་བཟང་ངན་འབྱེད།