ཨ་མེ་རུ་ཁའི་ཙུང་ཐུང་ཨོ་པཱ་མ་ཡིས་ཟླ་དགུ་བའི་ཚེས་བཅུ་ཉིན་འཇིགས་སྐུལ་ངོ་རྒོལ་གྱི་འཐབ་ཇུས་གསར་བ་ཁྱབ་བསྒྲགས་བྱས་རྗེས། ཨ་མེ་རུ་ཁའི་འཇིགས་སྐུལ་རྩ་འཛུགས“དབྱི་སི་ལན་རྒྱལ་ཁབ”ལ་དམིགས་པའི་བྱ་སྤྱོད་དེ་འགོག་སྲུང་ནས་ཕར་རྒོལ་གྱི་དུས་རིམ་དུ་ཞུགས་མགོ་བརྩམས། ཉིན་འགའི་རིང་ལ་ཨོ་པཱ་མ་སྲིད་གཞུང་གིས་མཉམ་སྡེབ་འཐབ་ཇུས་སྐོར་ཞིག་བཟོས་ཏེ། ཕྱི་འབྲེལ་དང་དམག་དོན། དཔལ་འབྱོར་སོགས་ཁྱབ་ཁོངས་མང་པོ་ནས་འཐབ་ཇུས་གསར་བ་དངོས་འབེབ་བྱས། དེ་ནི་ཚད་ངེས་ཅན་ཞིག་གི་སྟེང་ནས་ཨོ་པཱ་མ་ལ་ཉེ་བའི་ཉིན་འདི་འགར་སྐྱོན་འཛུགས་ཐེབས་པའི“ཆེས་གཟབ་ནན”གྱི་རྣམ་པ་ལེགས་སྒྱུར་བྱུང་མོད། འོན་ཀྱང་དེ་ལ་དགའ་བསུ་ཆེན་པོ་མ་ཐོབ་པ་མ་ཟད། འཐབ་ཇུས་དེ་ལག་བསྟར་བྱེད་ཐུབ་མིན་ལ་དོགས་པ་ཟ་བའི་སྣང་ཚུལ་དེ་ཨ་མེ་རུ་ཁའི་རྒྱལ་ནང་དུ་ཁྱབ་ཡོད།
ཨོ་པཱ་མ་ཡི་འཐབ་ཇུས་གསར་བའི་ནང་གཙོ་བོ་དོན་ཚན་བཞི་འདུས་ཡོད་དེ། མུ་མཐུད་དུ་བར་སྣང་ནས་འཇབ་རྒོལ་བྱེད་རྒྱུ་ཡིན་པ་མ་ཟད་དེ་ཞུའུ་ལིས་ཡ་ཕྱོགས་སུ་རྒྱ་བ
