ཟླ་བཅུ་གཅིག་པའི་ཚེས་དྲུག་ཉིན། ཨ་མེ་རི་ཁའི་བར་སྐབས་ཀྱི་འདེམ་བསྐོ་མཇུག་བསྡུས་པ་དང་། གྲོས་ཞུགས་ཁང་ལ་ཚོད་འཛིན་བྱེད་པའི་དབང་ཆ་དེ་དམངས་གཙོ་ཏང་གི་ལག་ནས་ཤོར་བ་དང་། དེ་ལ་བརྟེན་ནས་ཨོ་པཱ་མ་ཡིས་ཆེས་མཐའ་མཇུག་གི་ལོ་གཉིས་ཀྱི་རིང་ལ་སྲིད་སྐྱོང་བའི་ལམ་ཕྱོགས་ལ་ཚང་མས་དོ་ཁུར་བྱེད་བཞིན་ཡོད། སིང་གཱ་ཕོར་མཉམ་འབྲེལ་སྔ་དྲོའི་ཚགས་པར་སྟེང་རྩོམ་ཡིག་ཅིག་སྤེལ་བ་ལས། ཨ་མེ་རི་ཁའི་འདེམ་དམངས་ཀྱིས་ཙུང་ཐུང་གི་འགན་བསྟུད་མར་ཁུར་བའི་ཨོ་པཱ་མ་ལ་སྐར་འབྲས་གསལ་བོ་ཞིག་བརྒྱབ་ལ། གུང་ཧི་ཏང་གིས་རྒྱལ་ཚོགས་ཏང་ཁག་གཉིས་ཀྱི་ཆབ་སྲིད་མངོན་འགྱུར་དབང་ཆ་བཟུང་བར་ཁ་གཏད་དེ། དམངས་ཀྱི་འདོད་བློར་རྟོག་དཔྱོད་བྱས་པ་ལས་གདེང་འཇོག་དེ་འདྲ་མཐོ་རྒྱུ་མེད་པའི་ཨོ་པཱ་མའི་ཆེས་མཐའ་མཇུག་གི་ལོ་གཉིས་རིང་སྲིད་འཛིན་པའི་བར་སྐབས་དེར་དཀའ་ངལ་ལ་མི་གཏོད་པའི་ངེས་པའང་མེད་ཞེས་བྲིས་ཡོད། ཨོ་པཱ་མ་ཡིས་རྒྱལ་ཚོགས་ལ་དོ་ཁུར་མི་བྱེད་པའི་རྣམ་འགྱུར་ལ་འགྱུར་བ་མ་བྱུང་ན། ཕོ་བྲང་དཀར་པོ་ནང་སྲིད་དང་ཕྱི་འབྲེལ་གྱི་སྟེང་ནས་དཀའ་ངལ་ལ་འ
