ཧཱ་ཀིར་གྱི་རྒྱུ་ཆའི་འདྲ་པར།
ཉེ་སྔོན། ཨ་མེ་རི་ཁའི་རྒྱལ་སྲུང་པུའུ་ཀྲང་ཧཱ་ཀིར་གྱིས་གློ་བུར་དུ་ལས་ཁུར་དགོངས་ཞུ་བྱས་པ་དེས། ཕྱི་ཕྱོགས་ལ་དོགས་གཞི་མང་པོ་ཞིག་བསླངས། ཨ་མེ་རི་ཁའི་གསར་འགྱུར་སྨྱན་བྱད་ཀྱིས་ཟླ་བཅུ་གཅིག་པའི་ཚེས་ཉེར་དགུ་ཉིན་བསྒྲགས་པ་ལྟར་ན། ཨ་མེ་རི་ཁའི་ཙུང་ཐུང་ཨོ་པ་མཱ་ཡིས་སྲིད་དབང་བཟུང་ནས་ལོ་དྲུག་གི་རིང་ལ། ཕོ་བྲང་དཀར་པོ་དང་ཟུར་ལྔའི་ཐོག་ཁང་གི་བར་དུས་ཡུན་རིང་བོར་མཐུན་འགྲིག་མ་བྱུང་། ཨོ་པ་མཱ་ཡིས་ཕྱི་འབྲེལ་ཐབས་ཇུས་ཕྱོགས་ནས་ལྷག་ཏུ་ཕོ་བྲང་དཀར་པོའི་རྒྱལ་ཁབ་བདེ་འཇགས་བློ་འདོན་པར་བརྩི་མཐོང་ཆེན་པོ་བྱས་ཏེ། ཟུར་ལྔའི་ཐོག་ཁང་གི་རྣམ་འགྱུར་ལ་ཁ་ཡ་མ་བྱས་པ་ལས། འགན་རིམ་འཁུར་གྱི་རྒྱལ་སྲུང་པུའུ་ཀྲང་ཧཱ་ཀིར་ལ་བཀག་འགོག་ཐེབས་པའི་ཚོར་སྣང་སྐྱེས་པ་དེ། ཧཱ་ཀིར་གྱིས་ལས་འཁུར་དགོངས་ཞུ་བྱས་པའི་རྒྱུ་རྐྱེན་ངོ་མ་རེད་ཟེར།
ཨོ་པ་མ་ཡིས་ཙུང་ཐུང་གི་འགན་འཁུར་བའི་ཐོག་མའི་དུས་ཡུན་ནང་། སྐབས་དེའི་རྒྱལ་སྲུང་པུའུ་ཀྲང་
