ཨ་མེ་རུ་ཁའི་གྲོས་ཁང་གོང་མའི་གསང་འཕྲིན་ཨུ་ཡོན་ལྷན་ཁང་གིས་ཚེས་དགུ་ཉིན་སྙན་ཞུ་བསྒྲགས་ཏེ། ཨ་མེ་རུ་ཁའི་ཀྲུང་དབྱང་གསང་འཕྲིན་ཅུའུ་ཡིས་བཙོན་མར་འདྲི་གཅོད་བྱེད་སྐབས་མནར་གཅོད་ཚད་མེད་བཏང་བའི་གནས་ཚུལ་ཞིབ་རྒྱས་ཁྱབ་བསྒྲགས་བྱས། ཨ་མེ་རུ་ཁའི་རྒྱལ་ཁབ་ཕྱི་ནང་ཀུན་ཏུ་སྙན་ཞུ་དེ་ལ་ཡོངས་ཁྱབ་ཏུ་དོ་སྣང་བྱས་ཤིང་། རྒྱལ་ཁབ་མང་པོའི་སྲིད་འཛིན་འགོ་གཙོ་དང་། སྨྱན་བྱད། མཁས་པ། དེ་མིན་ཨ་རིའི་རྒྱལ་ནང་གི་རྩ་འཛུགས་བཅས་ཀྱིས་ལང་ལོང་སྒོས་ཀྲུང་དབྱང་གསང་འཕྲིན་ཅུའུ་ཡིས་བཙོན་མར་མནར་གཅོད་བཏང་བའི་བྱ་སྤྱོད་ལ་རྒོལ་གཏམ་དྲག་པོ་བཏང་།
དབྱིན་ཇུའི་དབུ་བཞུགས་བློན་ཆེན་ཁཱ་མེ་ལུང་གིས་བཤད་རྒྱུར། བཙོན་མར་མནར་གཅོད་གཏོང་བ་ནི་ནོར་འཁྲུལ་ཆེན་པོ་ཞིག་ཡིན། མནར་གཅོད་དང་འགྲོ་བ་མིའི་ཐོབ་ཐང་ལ་གནོད་པ་གཏོང་བའི་བྱེད་ཐབས་སྤྱད་ནས་འཇིགས་སྐུལ་རིང་ལུགས་ལ་ཆམ་ཕབ་གཏོང་བ་ལ་ནམ་ཡང་རྒྱལ་ཁ་ཐོབ་མི་སྲིད