སིང་ཀ་ཕོར«མཉམ་འབྲེལ་ཞོགས་པའི་ཚགས་པར»གྱིས་ཚེས་ཉེར་གསུམ་ཉིན་བསྒྲགས་པ་ལྟར་ན། ཧིན་རྡུ་ཉི་ཞི་ཡའི་ཉེན་རྟོག་ཕྱོགས་ཀྱིས་ཟླ་བཅུ་གཉིས་པའི་ཟླ་མགོར་སི་རི་ཡར་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་སུ་ཞུགས་པར་འགྲོ་གྲབས་བྱས་ཀྱང་མ་ལེ་ཞི་ཡ་ནས་བཀག་འགོག་བྱས་པའི་ཧིན་རྡུ་ཉི་ཞི་ཡའི་མི་བཅུ་གཉིས་པོ་དེ་ཚོར་སྔོན་ཆད་ཉེས་ཆད་བཅད་མྱོང་བའི་ཧིན་རྡུ་ཉི་ཞི་ཡའི་འཇིགས་སྐུལ་པ་ཞིག་གི་མ་དངུལ་གྱི་རོགས་སྐྱོར་ཐོབ་པ་རེད་ཟེར།
ཧིན་རྡུ་ཉི་ཞི་ཡའི་ཉེན་རྟོག་ཕྱོགས་ཀྱི་འཇིགས་སྐུལ་ལ་ངོ་རྒོལ་བྱེད་པའི་དམག་དཔུང་ནང་ཁུལ་གྱི་མི་སྣས་བཤད་རྒྱུར། མིང་ལ“པ་ཀུའུ་སི”ཟེར་བའི་ཡ་ཆིས་ཞིང་ཆེན་གྱི་མི་དེ་ནི་ལྐོག་ཇུས་འདོན་མཁན་གཙོ་བོ་ཡིན་ལ། མི་དེ་ནི་མིག་སྔར་སི་རི་ཡར་ཡོད་པ་མ་ཟད་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་སུ་ཞུགས་ཟིན་པ་ཁོ་ཐག་རེད་ཟེར།
ཉེན་རྟོག་ཕྱོགས་ཀྱིས་བཤད་རྒྱུར། པ་ཀུའུ་སི་ཡིས་ཧིན་རྡུ་ཉི་ཞི་ཡའི་མི་དེ་དག་སི་རི་ཡར་འགྲོ་བར་བཀོད་སྒྲིག་བྱས་པ་དང་། དེ་དག་གི་ཁྲོད་དུ་ཁོའི་ཆུང་མ་དང་བྱིས་པ་གཅིག་ཡོད། པ་ཀུའུ་སི་ཡིས་ལོ་དེར་ཧིན་རྡུ་ཉི་ཞི་ཡའི་ཡ་ཆིས་ཞིང་ཆེན་དུ“འཐབ་མཆོག”སྦྱོང་བརྡར་ར
