ཡོ་རོབ་གླིང་མནའ་འབྲེལ་གྱི་ཕྱི་འབྲེལ་དང་བདེ་འཇགས་སྲིད་ཇུས་ཀྱི་མཐོ་རིམ་འཐུས་མི་མའོ་ཀའེ་ལི་ནེ་ཡིས་ཚེས་བཅུ་དགུའི་ཉིན་པུ་ལི་ཧྲིའི་རྒྱལ་ས་པུའུ་ལུའུ་སེར་ནས་བསྟན་དོན། ཡོ་རོབ་གླིང་དང་ཨ་རབ་རྒྱལ་ཁབ་དག་ཐུན་མོང་གི་འགྲན་རྩོད་ལ་འཕྲད་ཡོད་པས། ཕྱོགས་གཉིས་ཀྱིས་འཇིགས་སྐུལ་རིང་ལུགས་ལ་ཆམ་ཕབ་གཏོང་བའི་མཉམ་ལས་ལ་སྔར་ལས་ཤུགས་སྣོན་དགོས་ཟེར།
ཟླ་རེར་ཐེངས་རེ་སྤེལ་བཞིན་པའི་ཡོ་རོབ་གླིང་མནའ་འབྲེལ་གྱི་ཁོངས་གཏོགས་རྒྱལ་ཁབ་དག་གི་ཕྱི་འབྲེལ་བློན་ཆེན་གྱི་རྒྱུན་ལྡན་གྲོས་ཚོགས་ཚེས་བཅུ་དགུའི་ཉིན་པུའུ་ལུའུ་སེར་ནས་ཚོགས། གྲོས་ཚོགས་སྐབས་སུ་མའོ་ཀའེ་ལི་ནེ་ཡིས་འཚམས་འདྲིར་ཡོང་བའི་ཨ་རབ་རྒྱལ་ཁབ་མནའ་འབྲེལ་གྱི་དྲུང་ཡིག་ཆེན་མོ་ཨ་ལཱ་པུས་དང་གྲོས་མོལ་བྱས། མའོ་ཀའེ་ལི་ནེ་ཡིས་གྲོས་མོལ་བྱེད་སྐབས་བསྟན་དོན། ཉེ་སྔོན་ཡོ་རོབ་གླིང་ལ་འཇིགས་སྐུལ་འཇབ་རྒོལ་ཐེབས་པ་དང་། ཨ་རབ་དང་མུའུ་སི་ལིན་གྱི་རྒྱལ་ཁབ་དག་ལ་འཇིགས་སྐུལ་རིང་ལུགས་ཀྱི་འཇིགས་ཉེན་སྔར་ལས་ཚབས་ཆེན་འབྱུང་བཞིན་ཡོད། ཡོ་རོབ་གླིང་མནའ་འབྲེལ་གྱིས་ཨ་རབ་རྒྱལ་ཁབ་བར་གྱི་གྲོས་མོལ་ལ་ཤུགས་སྣོན་བྱས་ན་གནད་དོན་ཐག་གཅོད་བྱེད་པར་ཡར་སྐུལ་གཏོང་ཐུབ་པ་ང་ཚོས་གསལ་བོར་ཤེས་ཡོད་ཟེར།
ཕྱོགས་གཉིས་ཀྱིས་ད་རུང་དབྱི་སི་ལ