ཨ་རབ་རྒྱལ་ཁབ་མནའ་འབྲེལ་གྱི་མགོ་གཙོའི་གྲོས་ཚོགས་སྐབས་ཉེར་དྲུག་པ་ཚེས་ཉེར་བརྒྱད་ཉིན་ཨེ་ཅིབ་ཀྱི་མཚོ་འགྲམ་གྲོང་ཁྱེར་ཧྲ་མུའུ་ཧྲ་དབྱེ་ཧི་ནས་བསྡུས་པ་དང་། ས་ཁུལ་བདེ་འཇགས་ཀྱི་གནད་དོན་དེ་སྐབས་འདིའི་མཐོ་རིམ་གྲོས་ཚོགས་ཀྱི་ཆེས་དོ་ཁུར་བྱེད་ཀྱིན་པའི་གནད་དོན་ཞིག་རེད།
ད་ལོ་ནི་ཨ་རབ་མནའ་འབྲེལ་བཙུགས་ནས་ལོ་འཁོར་བདུན་ཅུ་ལོན་པའི་ལོ་ཡིན་ལ། སྐབས་འདིའི་མཐོ་རིམ་གྲོས་ཚོགས་ཀྱི་བརྗོད་བྱ་གཙོ་བོ་ནི་ཨ་རབ་མནའ་འབྲེལ་གྱིས་ལོ་བདུན་ཅུའི་རིང་ཨ་རབ་རྒྱལ་ཁབ་ཀྱི་བདེ་འཇགས་ལ་སྲུང་སྐྱོབ་བྱེད་པ་དེ་རེད། མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅིན་བུན་ཐེངས་འདིའི་ཚོགས་འདུར་ཞུགས་པ་མ་ཟད་གཏམ་བཤད་གནང་། མིག་སྔར་དྲག་ཤུགས་དང་འཐབ་རྩོད། འཇིགས་སྐུལ་རིང་ལུགས་བཅས་སྔར་བཞིན་གནས་ཡོད་ལ། དེས་ཨ་རབ་ས་ཁུལ་གྱི་བདེ་འཇགས་ལ་འཇིགས་སྐུལ་ཐེབས་ཡོད་པ་མ་ཟད། འཛམ་གླིང་ཞི་བདེ་དང་བདེ་འཇགས་ཀྱི་ཐད་འགྲན་རྩོད་ཆེན་པོ་བསླངས་ཡོད། ཁོས་ཨ་རབ་མནའ་འབྲེལ་དང་ཨ་རབ་རྒྱལ་ཁབ་ཀྱིས་མཉམ་དུ་རྒྱལ་སྤྱིའི་སྤྱི་ཚོགས་ལ་མཉམ་འབྲེལ་དམ་པོ་བྱས་ནས། ཧུར་ཐག་གིས་ཆབ་སྲིད་ཀྱི་ཐབས་ལམ་བཙལ་ཏེ་གནད་དོན་ཐག་གཅོད་བྱེད་དགོས་ཟེར།
ཨ་རབ་རྒྱལ་ཁབ་མནའ་འབྲེལ་གྱི་དྲུང་ཡིག་ཆེན་མོ་ཨ་ལཱ་པུས་ཀྱིས་ཨ་རབ་རྒྱ
