ཨ་མེ་རི་ཁའི་ཙུང་ཐུང་ཨོ་པ་མ་ཡིས་དབྱི་སི་རལ་བརྙན་འཕྲིན་ཁང་གིས་ཚེས་གཉིས་ཉིན་གྱི་དགོང་མོར་བསྟན་པའི་བཅར་འདྲིའི་ཁྲོད་དུ། དབྱི་སི་རལ་གྱི་ཙུང་ལི་ནེ་ཐ་ཉི་ཡ་ཧུའུ་ཡིས་བྱ་སྤྱོད་དངོས་ལ་བརྟེན་ནས་དབྱི་སི་རལ་དང་ཕ་ལེ་སི་ཐན་གྱི་འགལ་བ་ཐག་གཅོད་རྒྱུ་དམིགས་ཡུལ་དུ་བཟུང་བའི་རྒྱལ་ཁབ་གཉིས་ཀྱི་ཇུས་གཞི་ལ་རྒྱབ་སྐྱོར་བྱེད་དགོས་པའི་འབོད་སྐུལ་བཏང་།
དབྱི་སི་རལ་བརྙན་འཕྲིན་ཁང་གཉིས་པས་ཚེས་གཅིག་ཉིན་ཕབ་སྐྲུན་བྱས་པའི་བཅར་འདྲིའི་ཁྲོད་དུ། ཨོ་པ་མ་ཡིས་མི་རྣམས་ཀྱིས་ཡུན་རིང་མཚམས་ཆད་པའི་དབྱི་སི་རལ་དང་ཕ་ལེ་སི་ཐན་གྱི་ཞི་བདེའི་འཕེལ་རིམ་ཐད་བཅངས་པའི་ཡིད་ཆེས་སླར་གསོ་བྱེད་པར་མཁོ་བ་ནི་འགུལ་སྐྱོད་ཡིན་པ་ལས་སྐད་ཆ་མིན་ཞེས་བཤད།
ཨོ་པ་མ་ཡིས་བཤད་རྒྱུར། ནེ་ཐ་ཉི་ཡ་ཧུའུ་ཡིས་ཉེ་སྔོན་དབྱི་སི་རལ་དང་ཕ་ལེ་སི་ཐན་གྱི་འགལ་བའི་ཐད་བསྟན་པའི་རྣམ་འགྱུར་དེའི་དམིགས་ཡུལ་ནི་ཕལ་ཆེར་དབྱི་སི་རལ་དང་ཕ་ལེ་སི་ཐན་གྱི་ཞི་བའི་གྲོས་མོལ་སླར་གསོ་བྱེད་པའི་ཆེད་མིན་པར། ད་ལྟའི་སྣང་ཚུལ་འདི་སྲུང་འཛིན་བྱེད་རྒྱུའི་ཆེད་ཡིན་པ་འདྲ་ཟེར། ནེ་ཐ་ཉི་ཡ་ཧུའུ་ཡིས་ཟླ་གསུམ་པའི་ཚེས་བཅུ་བདུན་ཉིན་དབྱི་སི་རལ་གྱི་གྲོས་ཁང་གི་འདེམ་བསྐོའི་སྔོན་ལ་གཏམ་བཤད་སྐབས་ཁོས་ཙུང་ལིའི་འགན་ཁུར་བའི་སྐབས་ས
