དབྱིན་ཇིའི་དངུལ་རྩའི་ཚགས་པར་དྲ་ཚིགས་ཀྱིས་ཉེ་ལམ་རྩོམ་པ་པོ་ཡ་ལིས་ཧྲན་ཏ་ཁ་སེ་ལཱ་ཡིས་བྲིས་པའི་ཁ་ཡིག་ལ«ཡོ་རོབ་གླིང་གནས་སྤོར་ཡུལ་མིའི་ཉམས་ཉེན་ཆེན་པོ་གཉིས་ལ་འཕྲད་ཡོད»ཅེས་པའི་རྩོམ་ཡིག་སྤེལ། རྩོམ་ཡིག་གི་ནང་བཤད་རྒྱུར། ཡོ་རོབ་གླིང་འཛམ་གླིང་འཁྲུག་ཆེན་གཉིས་པ་མཇུག་རྫོགས་པའི་ཚུན་གྱི་ཆེས་ཚབས་ཆེ་བའི་གནས་སྤོར་ཡུལ་མིའི་ཉམས་ཉེན་ལ་འཕྲད་ཡོད། ཐེངས་འདིའི་ཉམས་ཉེན་དེ་དུས་རབས་སྔོན་མའི་ལོ་རབས་དགུ་བཅུ་བའི་པོ་སི་ཉིས་ཡའི་ཉམས་ཉེན་དང་བསྡུར་ན་དེ་བས་ཀྱང་ཚབས་ཆེ་བ་རེད། འདི་ལྟར་བཤད་དོན་ནི་ཐེངས་འདིའི་ཉམས་ཉེན་གྱི་གནས་སྤོར་ཡུལ་མིའི་གྲངས་ཀ་དེ་པོ་སི་ཉིས་ཡའི་ཉམས་ཉེན་གྱི་གྲངས་ཀ་ལས་ཉུང་མོད། འོན་ཀྱང་ཐེངས་འདིའི་ཡུལ་གྱར་བའི་མི་གྲངས་ཀྱི་ངོ་བོ་དེ་པོ་སི་ཉིས་ཡའི་ཉམས་ཉེན་གྱི་ངོ་བོ་དང་མི་འདྲ་བ་རེད། ཐེངས་དེར་ཡུལ་གྱར་བ་རྣམས་ལ་གནས་སྐབས་ཀྱི་འགེབས་སྲུང་ཐོབ་ཏེ། གདོང་གཏུག་ཞི་འཇགས་སུ་སོང་རྗེས་རེ་བ་བཏོན་པ་ལྟར་ཕྱིར་རང་གི་རྒྱལ་ཁོངས་སུ་ལོག་པ་རེད། ཡིན་ན་ཡང་། ཐེངས་འདིའི་ཉམས
