ཨ་མེ་རི་ཁའི་གསར་འགྱུར་ལས་རིགས་ཀྱིས་བསྒྲགས་པ་ལྟར་ན། ཨ་མེ་རི་ཁའི་དཔོན་རིགས་ཀྱིས་ཟླ་བདུན་པའི་ཚེས་ཉེར་གསུམ་ཉིན་བཤད་རྒྱུར། ཐུར་ཁེ་དང་ཨ་མེ་རི་ཁའི་བར་གྲོས་མཐུན་བྱུང་སྟེ། ཨ་མེ་རི་ཁས་ཐུར་ཁེའི་མངའ་ཁོངས་ཀྱི་དམག་དོན་རྟེན་གཞི་བེད་སྤྱད་ནས་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ལ་ཆམ་ཕབ་གཏོང་བར་ཆོག་མཆན་བཀོད་ཡོད་ཟེར།
ཕྱོགས་གཉིས་ཀྱི་གྲོས་ཆོད་ལྟར་ན། ཨ་མེ་རི་ཁས་ཐུར་ཁེའི་ལྷོ་ཕྱོགས་ས་ཁུལ་གྱི་ཡུན་ཅི་ལེ་ཁི་མཁའ་དམག་རྟེན་གཞི་བེད་སྤྱད་ཆོག་པ་དང་། དེ་ལས་གཞན་ཨ་མེ་རི་ཁས་ད་རུང་བར་སྣང་འཇབ་རྒོལ་བྱེད་པའི་དམག་དོན་ཆམ་ཕབ་གཏོང་སའི་ཁྱབ་ཁོངས་དེ་ནུབ་ཕྱོགས་མཐའ་མཚམས་ས་ཁུལ་དུ་རྒྱ་བསྐྱེད་པར་མ་ཟད། ཐུར་ཁེའི་ས་ངོས་དམག་དཔུང་གིས་གསང་འཕྲིན་ཐད་ནས་རྒྱབ་སྐྱོར་བྱེད་དགོས་པའི་འབོད་སྐུལ་བཏང་ཡང་། གནད་དོན་དེ་དག་ལ་སྔར་བཞིན་གྲོས་མོལ་བྱེད་བཞིན་ཡོད་ལ་ཐག་གཅོད་བྱས་མེད།
མིང་བཤད་མི་འདོད་པའི་ཨ་མེ་རི་ཁའི་དམག་དཔོན་ཞིག་གིས་བཤད་རྒྱུར། ཟླ་བརྒྱད་པ་ནས་བཟུང་། ཨ་མེ་རི་ཁའི་འཐབ་འཛིང་གནམ་གྲུས་ཡུན་ཅི་ལེ་ཁི་ནས་འཕུར་ཏེ་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ལ་ཆམ་ཕབ་གཏོང་རྒྱུ་ཡིན་ལ། ཨ་མེ་རི་ཁའི་ཙུང་ཐུང་ཨོ་པཱ་མཱ་དང་ཐུར་ཁེའི་ཙུང་ཐུང་ཨེ་ཨར་ཏའ
