ཨ་མེ་རི་ཁའི་ཟུར་ལྔའི་ཐོག་ཁང་ཆེན་མོའི་མཐོ་རིམ་དཔོན་རིགས་ཤིག་གིས་བཤད་རྒྱུར། མ་འོངས་པའི་ལོ་བཞིའི་རིང་ལ་ཨ་མེ་རི་ཁའི་དམག་དཔུང་གིས་མི་བསྡད་མེད་པའི་གནམ་གྲུ་བཀོལ་ནས་འཛམ་གླིང་ཡོངས་ཀྱི་གསང་བའི་གནས་ཚུལ་གཅིག་བསྡུས་དང་བར་སྣང་ནས་རྡུང་རྡེག་བྱེད་པའི་ནུས་པར་ཤུགས་སྣོན་རྒྱུ་རེད།
ཧྭ་ཨར་སྲང་ལམ་ཉིན་རེའི་ཚགས་པར་གྱིས་ཚེས་བཅུ་དྲུག་ཉིན་མིང་བཤད་མི་འདོད་པའི་དཔོན་རིགས་ཤིག་གིས་བཤད་པའི་གནས་ཚུལ་ལྟར་བསྒྲགས་པ་ལྟར་ན། ཨ་མེ་རི་ཁའི་དམག་དཔུང་གིས་ཉིན་རེར་མི་བསྡད་མེད་པའི་གནམ་གྲུ་གཏོང་བའི་གྲངས་ཀ་དེ་ཕལ་ཆེར་བརྒྱ་ཆའི་ལྔ་བཅུར་ཇེ་མང་དུ་གཏོང་རྒྱུའི་འཆར་གཞི་ཡོད་པ་དང་། ད་ལྟའི་གནམ་གྲུ་རེ་གཅིག་ནས་ཉིས་སྟོང་བཅུ་དགུ་ལོའི་བར་དུ་གནམ་གྲུ་དགུ་བཅུ་རུ་ཇེ་མང་དུ་གཏོང་རྒྱུ་རེད། དེ་ལྟར་བྱས་ན་ཝུའུ་ཁི་ལན་དང་། དབྱི་རག སི་རི་ཡ། ཨ་ཧྥེ་རི་ཁ་བྱང་མ་སོགས་ས་ཁུལ་དུ་ཞིབ་བཤེར་དང་གསང་བའི་གནས་ཚུལ་གཅིག་བསྡུས་བྱེད་པའི་བྱ་འགུལ་རྒྱ་སྐྱེད་རྒྱུ་ཡིན་པ་དང་། དུས་མཚུངས་སུ་