མཉམ་འབྲེལ་རྒྱལ་ཚོགས་ཡུལ་གྱར་བའི་ཧྲུའུ་ཡིས་ཚེས་བཅོ་ལྔ་ཉིན། 2015ལོའི་ནན་སིན་ཡུལ་གྱར་བའི་བྱ་དགའ་དེ་ཨ་ཧྥུའུ་ཧན་གྱི་ལོ་ཆུང་བུ་མོའི་སློབ་གསོ་གསར་གཏོད་མཁན་ཨེ་ཆིས་ལཱ•ཨཱ་སི་ཧྥེས་ལ་སྟེར་རྒྱུ་ཁྱབ་སྒྲོག་བྱས། ཨཱ་སི་ཧྥེས་ནི་ཕ་ཁི་སི་ཐན་དུ་སྡོད་པའི་ཨ་ཧྥུའུ་ཧན་གྱི་ཡུལ་གྱར་བ་ཞིག་ཡིན་ལ། 1992ལོར་འཐབ་མཆོག་རྩ་འཛུགས་ཀྱི་གནོད་འཚེ་ལ་གཡོལ་ཆེད། མོ་དང་མོའི་སྐྱེས་པ་གཉིས་ཀྱིས་བྱིས་པ་གཉིས་ཁྲིད་དེ་ཨ་ཧྥུའུ་ཧན་ཁཱ་པུའུ་ཨར་ནས་ཕ་ཁི་སི་ཐན་དུ་བྲོས་བྱོལ་བྱས་ཏེ། དུས་རབས་ཉི་ཤུ་བའི་ལོ་རབས་དགུ་བཅུ་བའི་ནང་ཨ་ཧྥུའུ་ཧན་ནས་བྲོས་བྱོལ་བྱས་པའི་ཡུལ་གྱར་བ་ས་ཡ་གསུམ་ལྷག་ཁྲོད་ཀྱི་གཅིག་ཡིན། དགེ་རྒན་ཞིག་ཡིན་པའི་ཆ་ནས། ཨ་སི་ཧྥེས་ཡིས་ཡུལ་གྱུར་བའི་སྡོད་ཁུལ་གྱི་ལོ་ཆུང་བུ་མོ་རྣམས་རིག་གནས་སྦྱོང་དུ་འཇུག་ཆེད། གནས་དེ་ནས་སྦྲ་གུར་སློབ་གྲྭ་ཞིག་འཛུགས་རྒྱུ་སེམས་ཐག་བཅད། མིག་སྔའི་བར་དུ། ཨ་སི་ཧྥེས་ཡིས་ཁྲིད་སྟོན་འོག་བུ་མོ་སྟོང་གཅིག་ལྷག་སློབ་གྲྭར་ཞུགས་ནས་སློབ་སྦྱོང་བྱེད་ཐུབ་པ་བྱུང་། ཨ་སི་ཧྥེ