མཉམ་འབྲེལ་རྒྱལ་ཚོགས་ཀྱི་ཚོགས་ཆེན་སྐབས་བདུན་ཅུ་བའི་སྤྱིར་བཏང་གི་དཔྱད་གླེང་ཚོགས་འདུ་ཟླ་དགུ་བའི་ཚེས་ཉེར་བརྒྱད་ཉིན་ཉིག་ཡོ་གྲོང་ཁྱེར་དུ་ཡོད་པའི་མཉམ་འབྲེལ་རྒྱལ་ཚོགས་སྤྱི་ཁྱབ་པུའུ་ནས་ཚོགས་མགོ་བརྩམས་པ་དང་། དཔྱད་གླེང་ཚོགས་འདུ་དེ་ཟླ་བཅུ་བའི་ཚེས་གསུམ་ཉིན་བར་རྒྱུན་བསྲིང་རྒྱུ་ཡིན་ལ། ཚོད་དཔག་བྱས་ན་རྒྱལ་ཁབ་བརྒྱ་དང་བཞི་བཅུ་ལྷག་གི་མགོ་གཙོ་ཚོགས་འདུར་ཞུགས་ཏེ་དཔྱད་སྤེལ་རྒྱུ་རེད།
དཔྱད་གླེང་ཚོགས་འདུ་མགོ་མ་བརྩམས་གོང་། མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ཚོམས་ཁང་དུ་མཉམ་འབྲེལ་རྒྱལ་ཚོགས་བཙུགས་པའི་ལོ་རྒྱུས་ལ་ཕྱིར་དྲན་བྱེད་པའི་བརྙན་རིས་བཏང་སྟེ། དཔྱད་གླེང་ཚོགས་འདུའི་བརྗོད་སྙིང་མཉམ་འབྲེལ་རྒྱལ་ཚོགས་དབུ་བརྙེས་ནས་ལོ་ངོ་བདུན་ཅུ་འགོར་བའི་འགུལ་སྐྱོད་དམ་བཅའ་གསར་བར་གཞོགས་འདེགས་བྱས།
མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅི་ཝུན་གྱིས་ཞུ་ཚིག་ཕུལ་ཏེ། མཉམ་འབྲེལ་རྒྱལ་ཚོགས་དབུ་བརྙེས་ནས་ལོ་ངོ་བདུན་ཅུ་འགོར་བའི་སྐབས་སུ། ང་ཚོས་ངེས་པར་དུ་མཉམ་འབྲེལ་རྒྱལ་ཚོགས་ཀྱི་སྒྲིག་ཡིག་གི་འབོད་སྐུལ་ལ་ཉན་དགོས་པ་དང་། མཉམ་འབྲེལ་རྒྱལ་ཚོགས་ཀྱི་མི་དམངས་ཀྱི་འབོད་སྐུལ་ལ་ཉན་ན། ད་གཟོད་མིག་སྔའི་ཛ་དྲག་གི་གནས་བབ་ཁྱད་བསལ་བྱས་ནས་དུས་རབས་ཀྱི་གོ་
