ཟླ་འདིའི་ཚེས་བཅུ་ཉིན། ཨུ་རུ་སུའི་ཕྱི་འབྲེལ་པུའུ་ཡི་དཔོན་རིགས་ཀྱིས་མའོ་སི་ཁོ་ནས་བཤད་རྒྱུར། ཐུར་ཁེ་ཡིས་དབྱི་རག་ལ་དམག་མི་མངག་པ་དེས་རྒྱལ་སྤྱིའི་བཅའ་ཁྲིམས་དང་རྩ་བ་ནས་འགལ་ཡོད་ཟེར། ཟླ་འདིའི་ཟླ་སྟོད་དུ་ཐུར་ཁེས་དབྱི་རག་མངའ་ཁོངས་སུ་ཁྲབ་ལྡན་དམག་དཔུང་མངག ཐུར་ཁེ་ཕྱོགས་ཀྱིས་བཤད་རྒྱུར། བྱེད་ཐབས་དེ་ནི་དབྱི་རག་མངའ་ཁོངས་ཀྱི་ཁའོ་ཨར་ཏི་དྲག་ཤུགས་ལ་སྦྱོང་བརྡར་བྱས་ཏེ་འཇིགས་སྐུལ་མི་སྣར་ངོ་རྒོལ་བྱེད་པའི་ཆེད་དུ་ཡིན་ཟེར། དབྱི་རག་ཕྱོགས་ཀྱིས་བལྟས་ན། ཐུར་ཁེའི་དམག་མི་དབྱི་རག་མངའ་ཁོངས་སུ་བསྐྱོད་པར་དབྱི་རག་དབང་འཛིན་ལས་ཁུངས་ཀྱི་ཆོག་མཆན་ཐོབ་མེད་པར་སྙམ། དབྱི་རག་གིས་ཐུར་ཁེའི་དམག་མི་དབྱི་རག་མངའ་ཁོངས་ནས་ཕྱིར་འཐེན་བྱེད་དགོས་པའི་རེ་བ་བཏོན་ལ། གལ་ཏེ་གཏན་ཁེལ་གྱི་དུས་ཡུན་ནང་དམག་མི་ཕྱིར་འཐེན་མ་བྱས་ཚེ། དོན་དག་དེ་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ལ་ཞུ་འབུལ་བྱེད་ངེས་ཡིན་ཟེར། ཐུར་ཁེ་ཕྱོགས་ཀྱིས་དབྱི་རག་མངའ་ཁོངས་སུ་མངག་ཟིན་པའི་དམག་མི་ཕྱིར་འཐེན་མི་བྱེད་ཟེར།
ཚེས་བཅུ་ཉིན། དབྱི་རག་ཕྱོགས་ཀྱིས་ཐུར་ཁེའི་མཐོ་རིམ་དཔོན་རིགས་ཀྱིས་གྲུབ་པའི་འཐུས་ཚབ་ཚོགས་པ་པཱ་ཀི་ཏར་ཐོན་ཏེ། དབྱི་རག་མངའ་ཁོངས་ཀྱི་ཐུར་ཁེའ