ས་དེའི་ཚེས་ཉེར་གཅིག་ཉིན། སི་རི་ཡཱའི་ས་ཆ་མང་ཆེ་བར་བསྟུད་མར་འགད་རྫས་འགས་གཏོར་དོན་རྐྱེན་བྱུང་། སི་རི་ཡཱའི་རྒྱལ་ས་ཏཱ་མ་ཧྲི་ཀའི་ལྷོ་ཕྱོགས་ལ་འགད་རྫས་འགས་གཏོར་བྱུང་བ་དང་། མི་གྱ་བདུན་རྐྱེན་ལམ་དུ་ཤོར་བ་དང་མི་བརྒྱ་དང་བརྒྱད་ཅུ་ལ་རྨས་ཕོག གཞན་ད་དུང་སི་རི་ཡཱའི་དཀྱིལ་དབུས་གྲོང་ཁྱེར་ཧའོ་མཱེ་སི་རུ་རླངས་འཁོར་ལ་འགལ་རྫས་ཀྱིས་འགས་གཏོར་འཇབ་རྒོལ་ཐེངས་གཉིས་ལ་ཐེབས་པ་དང་། མི་ང་བདུན་རྐྱེན་ལམ་དུ་ཤོར་བ་དང་། མི་བརྒྱ་ལྷག་ལ་རྨས་ཕོག
ཨ་མེ་རི་ཁ་དང་ཨུ་རུ་སིས་ཚེས་ཉེར་གཉིས་ཉིན་མཉམ་འབྲེལ་གསལ་སྒྲོག་སྤེལ་ཏེ་ཁྱབ་སྒྲོག་བྱས་པ་ལྟར་ན། སི་རི་ཡཱའི་ནང་ཁུལ་གྱི་འཁྲུག་རྩོད་ཕྱོགས་ཁག་སོ་སོས་ཟླ་གཉིས་པའི་ཚེས་ཉེར་བདུན་ཉིན་གྱི་ཞོགས་པ་ནས་བཟུང་འཁྲུག་རྩོད་མཚམས་འཇོག་པའི་གྲོས་མཐུན་ལག་བསྟར་བྱེད་རྒྱུ་རེད་ཟེར། གསལ་སྒྲོག་ལས་ད་རུང་བསྟན་དོན། ཨ་མེ་རི་ཁ་དང་ཨུ་རུ་སི། སི་རི་ཡཱ་བཅས་ཕྱོགས་གསུམ་གྱིས“དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས”ལ་ཆམ་ཕབ་གཏོང་བའི་འགུལ་སྐ
