ཨོ་གླིང་གིས་ཤུགས་ཆེན་པོས་དབྱི་སི་ལན་རྒྱལ་ཁབ་དང་མཉམ་འབྲེལ་བྱེད་དགོས་ཤིང་། བསམ་བློའི་སྟེང་བདེ་འཇགས་འདུ་ཤེས་དང་འགོག་སྲུང་བྱེད་ཐབས་ལ་འགྱུར་བ་ཟབ་མོ་གཏོང་དགོས་པ་མ་ཟད། འཛམ་གླིང་གི་གོ་ལ་ཧྲིལ་བོའི་ལས་དོན་ནང་ཞུགས་མཁན་རྣམས་ལ་འཐབ་ཇུས་གྲོགས་པོའི་འབྲེལ་བ་འཛུགས་དགོས།
འཛམ་གླིང་ཧྲིལ་བོའི་བདེ་འཇགས་གནས་བབ་ཀྱི་འགྱུར་ལྡོག་ནི་ཟློས་གར་ཞིག་དང་འདྲ་བར། ང་ཚོ་ལྟ་མཁན་རྣམས་ལ་སེམས་ཁྲལ་ཆེན་པོ་བསླངས། དོན་དངོས་སུ་ས་གནས་དམག་འཁྲུག་གི་གཞི་གྲངས་ཇེ་མང་དུ་སོང་བ་དང་བསྟུན། དམག་འཁྲུག་གི་གར་སྟེགས་ཀྱང་ང་ཚོ་དང་ཐག་ཇེ་ཉེར་འགྲོ་བཞིན་ཡོད། དམག་འཁྲུག་ལས་ཤི་རྨས་ཐེབས་པའི་པའི་མི་ཤིན་ཏུ་མང་ལ། ང་ཚོ་ཕལ་ཆེར་སྐྱོ་གར་གྱིས་ཡོངས་སུ་ཁེངས་འདུག
ན་ནིང་ལོར་པ་ལིའི་རུ་འཇིགས་སྐུལ་འཇབ་རྒོལ་ཐེབས་ཏེ་རྒྱལ་སྤྱིའི་སྤྱི་ཚོགས་ཡོངས་སུ་གཡོ་འགུལ་ཆེན་པོ་བཟོས་ཤིང་། འཛམ་གླིང་ཧྲིལ་བོ་སྐྱོ་སྡུག་གི་ཀློང་དུ་ལྷུང་། སྐྱོ་སྣང་ཆེན་པོ་དེས་ཀྱང་མི་མང་པོར་འཇིགས་སྐུལ་སྟོབས་ཤུགས་ལ་ངོ་རྒོལ་བྱེད་པའི་དཔའ་ངར་སྐྱེ་རུ་བཅུག་ལ། སྲིད་ཕྱོགས་མི་སྣས་དཔུང་རྡང་གཅིག་སྦྲེལ་གྱིས་སྲང་ལམ་དུ་སྐད་ཆེན་པོས་མི་སེམས་ལ་སྐུལ་འདེད་དང་ནག་ཉེས་ལ་ཁ་རྡུང་བྱེད་པའི་འབོད་ཚིག་བསྒྲགས། ཡིན་ནའང་། དེ་ལྟར