དབྱི་རག་གི་དཔོན་རིགས་ཀྱིས་ཚེས་བཅུ་གཉིས་ཉིན་བཤད་རྒྱུར། “དབྱི་སི་ལན་རྒྱལ་ཁབ་ཅེས་པའི”ཐལ་སྤྱོད་རྩ་འཛུགས་ཀྱིས་དབྱི་རག་བྱང་ཕྱོགས་ཀྱི་གྲོང་ཁྱེར་ཅི་ཨར་ཁུའུ་ཁི་ཉེ་འདབས་ནས་རྫས་འགྱུར་མཚོན་ཆའི་འཇབ་རྒོལ་ཐེངས་གཉིས་ལ་སྤེལ་ཏེ། ལོ་གསུམ་ཅན་གྱི་བུ་མོ་ཆུང་ཆུང་ཞིག་རྐྱེན་ལམ་དུ་ཤོར་བ་དང་། མི་དྲུག་བརྒྱ་ཙམ་ལ་རྨས་སྐྱོན་ཕོག མི་བརྒྱ་ཕྲག་ལྷག་གནས་དེ་ནས་བྲོས། ཉིན་དེར་དབྱི་རག་གི་ཙུང་ལི་ཧེ་ཏི་ཨར་ཨ་པ་ཏེ་ཡིས་གསལ་སྒྲོག་སྤེལ་ནས། དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ལ་རྒོལ་ལན་སྤྲོད་པའི་འགུལ་སྐྱོད་སྤེལ་རྒྱུ་ཡིན་ཞེས་བཤད།
ཆེས་ཉེ་བའི་དུས་སུ་བྱུང་བའི་རྫས་འགྱུར་མཚོན་ཆའི་འཇབ་རྒོལ་ཞིག་ནི་ཚེས་བཅུ་གཉིས་གྱི་ཞོགས་པར་བྱུང་བའི་དོན་རྐྱེན་དེ་ཡིན་ལ། དོན་རྐྱེན་བྱུང་ས་ནི་ཅི་ཨར་ཁུའུ་ཁི་ཉེ་འདབས་ཀྱི་གྲོང་རྡལ་ཆུང་བ་ཐ་ཞིན་ནས་བྱུང་བ་རེད།
ཉིན་གསུམ་གྱི་སྔོན་ལ་ས་དེར་རྫས་འགྱུར་མཚོན་ཆ་དྲུད་པའི་མེ་ཤུགས་འཕུར་མདའི་འཇབ་རྒོལ་ཐེབས་པ་དང་། མེ་ཤུགས་འཕུར་མདའ་ནི་ཉེ་འདབས་ཀྱི་པ་ཞི་ཨར་སྡེ་བའི་ཕྱོགས་ནས་འཕངས་པ་ཡིན་ལ། སྡེ་བ་དེ་ཐལ་སྤྱོད་རྩ་འཛུགས“དབྱི་སི་ལན་རྒྱལ་ཁབ་ཅེས་པའི”བདག་ཏུ་བཟུང་ཡོད།
ཐ་ཞིན་གྱི་དཔོན་རིགས་ཨ་ཏ
