སྤེལ་དུས།2020.01.14 ཡོང་ཁུངས།མཚོ་སྔོན་གསར་འགྱུར་དྲ་བ།
25
0

ཟླ་དང་པོའི་ཚེས་བཅུ་གཉིས་ཉིན་གྱི་ཕྱི་དྲོར།  ཞིང་ཆེན་སྲིད་གྲོས་ཀྱི་ཀྲུའུ་ཞི་རྡོ་རྗེ་རབ་བརྟན་དང་ཀྲུའུ་ཞི་གཞོན་པ་ཝང་ཞའོ་ཡུང་གཉིས་ཀ་ཞིང་ཆེན་སྲིད་གྲོས་སྐབས་བཅུ་གཉིས་པའི་གྲོས་ཚོགས་ཐེངས་གསུམ་པའི་ཚོགས་ཆེན་གྱི་ཚོགས་ར་དང་ཨུ་ཡོན་སྡོད་གནས་སུ་སོང་ནས་གྲོས་ཚོགས་གྲ་སྒྲིག་བྱ་བར་ཞིབ་བཤེར་མཛུབ་སྟོན་བྱས།

མཚོ་སྔོན་གྲོས་ཚོགས་ལྟེ་གནས་སུ།   རྡོ་རྗེ་རབ་བརྟན་གྱིས་ཚོགས་རའི་བཀོད་སྒྲིག་དང་གློག་འོད།  སྒྲ་སྒམ།  རྒྱང་བསྟེན་བརྙན་རིས་སྒྲིག་ཆས་སོགས་གྲོས་ཚོགས་ཞབས་ཞུའི་གྲ་སྒྲིག་གནས་ཚུལ་ལ་གཟབ་ནན་གྱིས་ཞིབ་བཤེར་བྱས་པ་དང་།    ཨུ་ཡོན་ཚོའི་སྡོད་གནས་སུ་རྡོ་རྗེ་རབ་བརྟན་གྱིས་ཚན་ཆུང་བགར་ཏེ་གྲོས་བསྡུར་བྱེད་པའི་ཚོགས་རའི་བཀོད་སྒྲིག་གནས་ཚུལ་དང་།  ཨུ་ཡོན་ཚོའི་སྡོད་གནས་དང་ཟས་རིགས།    ཁོར་ཡུག་འཕྲོད་བསྟེན།   བདེ་འཇགས་སྲུང་སྐྱོབ།   འགྲིམ་འགྲུལ་ཕྱིར་གཏོང་སོགས་བྱ་བའི་གྲ་སྒྲིག་གནས་ཚུལ་ལ་རྒྱུས་ལོན་ཞིབ་མོ་བྱས།

རྡོ་རྗེ་རབ་བརྟན་གྱིས་གྲོས་ཚོགས་གྲ་སྒྲིག་བྱ་བ་སོ་སོར་ཁས་ལེན་གང་ལེགས་བྱས་པ་དང་།    ལས་བྱེད་མི་སྣ་དག་ལ་བཀའ་དྲིན་ཆེ་ཞུས།     ཁོས་ནན་གྱིས་བསྟན་དོན།  ཞིང་ཆེན་སྲིད་གྲོས་སྐབས་བཅུ་གཉིས་པའི་གྲོས་ཚོགས་ཐེངསགསུམ་པ་ནི་ཞིང་ཆེན་གོང་འོག་ཡོངས་ཀྱིས་ཏང་གི་སྐབས་བཅུ་དགུ་བའི་ཚང་འཛོམས་གྲོས་ཚོགས་ཐེངས་བཞི་བའི་དགོངས་དོན་དང་ཞིང་ཆེན་ཏང་ཨུའི་སྐབས་བཅུ་གསུམ་པའི་གྲོས་ཚོགས་ཐེངས་བདུན་པའི་དགོངས་དོན་ལ་སློབ་སྦྱོང་གཏིང་ཟབ་དང་ལག་བསྟར་དོན་འཁྱོལ་བྱེད་པ་དང་།   འབྱོར་འབྲིང་སྤྱི་ཚོགས་ཁྱོན་ཡོངས་ནས་འགྲུབ་པར་བྱེད་པ།  ལོ་ལྔའི་འཆར་གཞི་བཅུ་གསུམ་པ་བདེ་བླག་ངང་མཇུག་བསྡུ་བའི་གནད་འགག་གི་དུས་སྐབས་སུ་བསྡུ་བའི་གྲོས་ཚོགས་གལ་ཆེན་ཞིག་ཡིན་པ་དང་།   ཞིང་ཆེན་ཡོངས་ཀྱི་མི་དམངས་ཀྱི་ཆབ་སྲིད་འཚོ་བའི་ཁྲོད་ཀྱི་དོན་ཆེན་ཞིག་ཀྱང་ཡིན་པས།    ཆབ་སྲིད་གླེང་བའི་མཐོ་ཚད་ནས་ཚོགས་ཆེན་ལ་ཞབས་འདེགས་བཟང་བོ་ཞུ་བའི་འགན་འཁྲིའི་འདུ་ཤེས་དང་བྲེལ་མྱུར་འདུ་ཤེས་སྔར་ལས་ཇེ་དྲག་ཏུ་གཏོང་དགོས་པ་དང་གཅིག་གྱུར་མཐུན་སྦྱོར་རྒྱུན་འཁྱོངས་བྱེད་པ།     རྩ་འཛུགས་མགོ་ཁྲིད་ལ་ཤུགས་སྣོན་པ།  བསམ་བློའི་སྟེང་ནས་མཐོང་ཆེན་བྱེད་པ།   སྒྲིག་ལམ་སྤྱོད་ཚུལ་སྟེང་ནས་གཟབ་ནན་བྱེད་པ་དང་ཞབས་ཞུའི་སྟེང་ནས་ཚད་གཞི་མཐོ་བ་དང་བླང་བྱ་ནན་མོ་བཅས་བྱེད་དགོས།   ལས་ཁུངས་སོ་སོ་དང་སྡེ་ཁག་སོ་སོས་གཅིག་གྱུར་གྱི་འདུ་ཤེས་བཅངས་ཏེ་མཐུན་སྦྱོར་རོགས་རེས་ལ་ཤུགས་སྣོན་པ་དང་སྒྲིག་གཞི་འཛུགས་སྐྲུན་བྱེད་པ།    འཕྲལ་བསྟུན་ཐག་གཅོད་ཇུས་གཞི་ཇེ་ཞིབ་ཏུ་གཏོང་བ།    འགན་འཁྲི་གཟབ་ནན་ཅན་དུ་གཏོང་བ།  དོན་འཁྱོལ་ལ་ཤུགས་སྣོན་པ་བཅས་བྱས་ཏེ་བྱ་བ་སོ་སོ་འབྲེལ་མཐུད་བཟང་བོ་བྱེད་པ་དང་།   ནོར་འཁྲུལ་གཅིག་ཀྱང་མི་འབྱུང་བར་བྱེད་དགོས།   ལས་བྱེད་མི་སྣ་དག་གིས་སྟོབས་ཤུགས་ཡོད་རྒུ་བཏོན་ཏེ་ཚད་གཞི་མཐོ་བ་དང་སྤུས་ཚད་མཐོ་བ།  ཕན་ནུས་མཐོ་བ་བཅས་ཀྱི་སྒོ་ནས་གྲོས་ཚོགས་ཀྱི་གྲ་སྒྲིག་བྱ་བ་སོ་སོ་བཟང་བོར་བསྒྲུབ་དགོས་པ་དང་།     དཔའ་ངར་ཆེར་སྐྱེད་ཀྱི་སྙིང་སྟོབས་དང་བདེ་འཇགས་སྤུས་ལེགས་ཀྱི་ཞབས་ཞུས་ཨུ་ཡོན་རྣམས་ལ་སྲིད་ཞུགས་སྲིད་གླེང་གི་ཁོར་ཡུག་བཟང་བོ་ཞིག་བསྐྲུན་དགོས་པ་དང་།  ཚོགས་ཆེན་ལེགས་འགྲུབ་འབྱུང་བར་འགན་སྲུང་བྱེད་དགོས་ཟེར།


གསར་འགྱུར་མེ་ལོང་། ༼ ཧྲིལ་བོ ༽ གསར་འགྱུར་མཉམ་སྒྲོག ༼ ཧྲིལ་བོ ༽
ཞོགས་པའི་ཕྱོགས་བསྡུས་གསར་འགྱུར། སྒྲ་ལྡན་རྒྱལ་སྤྱིའི་གསར་འགྱུར། དུས་ཐོག་གསར་འགྱུར།
  • རྔ་བའི་གསར་འགྱུར་དྲ་བ།
  • མཚོ་སྔོན་པོ་དྲ་བ།
  • གུང་ཁྲན་ཏང་གི་གསར་འགྱུར།
  • བོད་ཀྱི་རིག་མཛོད།
  • ཀྲུང་གོའི་བོད་ཀྱི་སློབ་འབྲིང་དྲ་བ།
  • མཚོ་སྔོན་བོད་རིགས་དྲ་བ།
  • མཚོ་སྔོན་ཞིང་ཆེན་སྲིད་གཞུང་དྲ་བ།
  • ཀྲུང་གོ་བོད་སྐད་རླུང་འཕྲིན།
  • བོད་ལྗོངས་འཕྲིན་དྲ།
  • ཁམས་པའི་བརྙན་འཕྲིན།
  • ནོར་ནོར་བརྙན་འཕྲིན།
  • ཡོངས་འཛིན་འཚོལ་བཤེར།