སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བསྟན་དོན། ཏང་གི་ཚོགས་ཆེན་བཅོ་བརྒྱད་པའི་ཚུན་དུ། དུས་བདེའི་ཀྲུང་གོ་འཛུགས་སྐྲུན་ལ་གྲུབ་འབྲས་མངོན་གསལ་དོད་པོ་ཐོབ་པ་དང་། མི་དམངས་བདེ་སྡོད་ལས་བརྩོན་དང་སྤྱི་ཚོགས་བརྟན་ལྷིང་དང་སྒྲིག་ལམ་ལྡན་པའི་རྣམ་པ་བཟང་པོ་སྔར་ལས་སྲ་བརྟན་དུ་སོང་ཡོད་པ་དང་། རང་རྒྱལ་ནི་འཛམ་གླིང་ཐོག་བདེ་འཇགས་ཆེ་ཤོས་ཀྱི་རྒྱལ་ཁབ་ཀྱི་གྲས་ཤིག་ཏུ་གྱུར་ཡོད། ཚང་མས་དུས་བདེའི་ཀྲུང་གོ་འཛུགས་སྐྲུན་ལ་ཐོབ་པའི་ལོ་རྒྱུས་རང་བཞིན་གྱི་གྲུབ་འབྲས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པའི་ཚན་རིག་དང་མཐུན་པའི་མཛུབ་ཁྲིད་གང་ལེགས་སྒོས་མཚོན་ཡོད་པར་བསྟན།
ཀྲུང་དབྱང་སྲིད་ཁྲིམས་ཨུ་ཡོན་ལྷན་ཁང་དྲུང་ཡིག་ཅུས་ཀྱི་ཅུས་ཀྲང་གཞོན་པ་ཧི་ཅ་ཡིས་བཤད་རྒྱུར། དུས་བདེའི་ཀྲུང་གོ་འཛུགས་སྐྲུན་གྱི་གྲུབ་འབྲས་འཛམ་གླིང་སྐྱེ་བོ་ཀུན་གྱིས་ཁས་ལེན་བྱེད་ཀྱི་ཡོད། དུས་བདེ་ནི“ཀྲུང་གོའི་སྲིད་སྐྱོང”གི་མཚོན་རྟགས་མངོན་གསལ་ཞིག་ཏུ་གྱུར་ཡོད། དེའི་རྩ་བ་ནི་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་སྣེ་ཁྲིད་ཁ་ཕྱོགས་ལ་ཐུག་ཡོད། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པའི་ཚན་རིག་དང་མཐུན་པའི་ཁྲིད་སྟོན་ལ་ཐུག་ཡོད། ང་ཚོས“གཏན་ཕབ་གཉིས་”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ་དང་། “སྲུང་སྐྱོང་གཉིས”མཐའ་གཅིག་ཏུ་སྒྲུབ་ཐུབ་པ་བྱས་ཏེ་ཆུ་ཚད་སྔར་ལས་མཐོ་བའི་དུས་བདེའི་ཀྲུང་གོ་ནུས་ཤུགས་ཡོད་རྒུས་བསྐྲུན་དགོས།
ཆེས་མཐོ་མི་དམངས་ཁྲིམས་ཁང་གི་ཉེས་དོན་ཁྲིམས་ཁང་གསུམ་པའི་འགོ་གཙོ་ཝང་པིན་གྱིས་བཤད་རྒྱུར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱིས་འཐབ་ལམ་གསར་པའི་ཐོག་ཆུ་ཚད་སྔར་ལས་མཐོ་བའི་དུས་བདེའི་ཀྲུང་གོ་འཛུགས་སྐྲུན་བྱ་རྒྱུར་ཚན་རིག་དང་མཐུན་པའི་ཁྲིད་སྟོན་བྱས་ཡོད། མི་དམངས་ཁྲིམས་ཁང་གིས་ཏང་གིས་ཕྱོགས་ཡོངས་ནས་འགོ་ཁྲིད་བྱ་རྒྱུ་མཐའ་འཁྱོངས་དང་དེར་ཤུགས་སྣོན་བརྒྱབ་ནས། འདྲི་གཅོད་ལག་བསྟར་གྱི་འགན་འཁྲི་གཙོ་བོ་དང་ལས་རིགས་གཙོ་བོར་གཞི་ཚུགས་ནས་ཉེས་གསོག་ལ་ཁྲིམས་གཅོད་དང་མི་དམངས་ལ་སྲུང་སྐྱོང་སྔར་བས་ཡག་པོ་བྱེད་དགོས། རྩོད་མཚམས་འཇོག་རྒྱུ་དང་དྲང་གཞག་སྲུང་སྐྱོང་བྱེད་པའི་འགན་ནུས་ཀྱི་ནུས་པ་གཏན་འཁེལ་བྱས་ནས་མི་དམངས་ཀྱི་བདེ་འཇགས་འཚོ་བ་ནུས་ཤུགས་ཡོད་རྒུས་སྲུང་སྐྱོང་བྱེད་དགོས།
ཆེས་མཐོ་མི་དམངས་ཞིབ་དཔྱོད་ཁང་ཉེས་དོན་ཕལ་བའི་ཞིབ་དཔྱོད་ཁང་གི་ཐིན་ཀྲང་གཞོན་པ་ཀྲིག་ཧོས་ཡུང་གིས་བཤད་རྒྱུར། ཞིབ་དཔྱོད་ལས་ཁུངས་ཀྱིས་ཏང་གིས་ཞིབ་དཔྱོད་ལས་དོན་ལ་འགོ་ཁྲིད་མཐའ་གཅིག་ཏུ་བྱ་རྒྱུ་མཐའ་འཁྱོངས་བྱས་ནས། བཅའ་ཁྲིམས་ཀྱི་ལྟ་སྐུལ་དང་འགན་འཁྲི་གཙོ་བོ་དང་། ལས་རིགས་གཙོ་བོ། སྤུས་ཚད་དང་ཕན་འབྲས་མཐོ་བའི་གྱོད་གཞི་ཞིབ་གཅོད་རང་བབ་བཅས་ལ་དམིགས་ཏེ་དྲང་སྙོམས་དྲང་བདེན་སྲུང་སྐྱོང་བྱས་ཡོད། ཀྲུང་གོའི་ལུགས་ཀྱི་དེང་རབས་ཅན་གྱི་རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་རླབས་ཆེན་བྱ་གཞག་ལ་ཕྱོགས་ཡོངས་ནས་སྐུལ་འདེད་གཏོང་ཆེད་ཁྲིམས་འཛིན་གྱི་འགན་ལེན་ནུས་ལྡན་བྱེད་དགོས།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཛུབ་སྟོན་གལ་ཆེན་ཁྲོད་ནན་གྱིས་བསྟན་དོན། ཆད་འགོག་མཉམ་བསྟར་དང་རྩ་ལག་མཉམ་བཅོས་བྱ་རྒྱུར་དོ་སྣང་བྱས་ཏེ་ཁྲིམས་སྐྱོང་གི་འདེགས་སྐྱོར་དང་ཚན་རྩལ་གྱི་ནུས་པ་ཆེ་རུ་གཏོང་དགོས། རྒྱལ་ཁབ་ཀྱི་བདེ་འཇགས་མ་ལག་དང་ནུས་པ་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་། སྤྱི་པའི་བདེ་འཇགས་བཅོས་སྐྱོང་ཆུ་ཚད་མཐོ་རུ་གཏོང་དགོས། སྤྱི་ཚོགས་བཅོས་སྐྱོང་མ་ལག་འཐུས་ཚང་དུ་གཏོང་བ་དང་། ཉེན་ཁ་སྣ་ཚོགས་སྔོན་འགོག་དང་སེལ་ཐབས་བྱས་ཏེ། རྒྱལ་ཁབ་སྔར་ལས་བདེ་འཇགས་དང་། སྤྱི་ཚོགས་སྔར་ལས་གོ་རིམ་ལྡན་པ། བཅོས་སྐྱོང་སྔར་ལས་ཕན་ནུས་ལྡན་པ། མི་དམངས་སྔར་ལས་ཡིད་ཚིམ་པ་བཅས་ཀྱི་ཐད་མུ་མཐུད་དུ་ཤུགས་རྒྱག་དགོས། ཚང་མས་སྤྱི་ཁྱབ་ཧྲུའུ་ཅིའི་མཛུབ་སྟོན་གལ་ཆེན་གྱིས་དུས་རབས་གསར་པ་དང་འཐབ་ལམ་གསར་པའི་དུས་བདེའི་ཀྲུང་གོ་འཛུགས་སྐྲུན་ཡག་པོ་བྱ་ཆེད་གཙོ་གནད་ལས་འགན་ཁ་གསལ་དང་མདུན་སྐྱོད་ཀྱི་ཁ་ཕྱོགས་གསལ་སྟོན་བྱས་ཡོད་པར་བསྟན།
སྤྱི་བདེ་པུའུ་བདེ་སྐྱོང་དོ་དམ་ཅུས་ཀྱི་ཅུས་ཀྲང་གཞོན་པ་དབྱི་ཁྲུན་ཅུས་ཀྱིས་བཤད་རྒྱུར། ང་ཚོས་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་བློ་བརྟན་འགྱུར་མེད་ཀྱིས་ལག་ལེན་མཐར་ཕྱིན་བྱས་ནས་ཕྱོགས་གཅིག་ནས་ཆེད་དོན་རྡུང་རྡེག་དང་བཅོས་སྒྲིག་བྱ་རྒྱུ་དམ་འཛིན་བྱ་རྒྱུ་ཡིན་ལ། ཕྱོགས་གཅིག་ནས་འབྱུང་རྩ་རང་བཞིན་དང་རྨང་གཞི་རང་བཞིན་གྱི་བྱ་བ་དམ་འཛིན་བྱས་ནས། མི་དམངས་ཀྱི་བདེ་སྐྱིད་དང་རྒྱལ་ཁབ་ཀྱི་བདེ་འཇགས་བྱ་བའི་འགན་འཁུར་ལྕི་མོ་བློ་ཐག་རྦད་ཆོད་ཀྱིས་དམ་སྲུང་བྱ་རྒྱུ་ཡིན།
ཁྲིམས་འཛིན་པུའུ་མི་དམངས་ཟབ་ཞུགས་དང་སྐུལ་འདེད་བྱེད་པའི་ཁྲིམས་སྐྱོང་ཅུས་ཀྱི་ཅུས་ཀྲང་ཏུའུ་ཡ་ལིན་གྱིས་བཤད་རྒྱུར།ཁྲིམས་འཛིན་པུའུ་ཡིས་གཞི་རིམ་གྱི་རྨང་གཞི་ཇེ་བརྟན་དུ་གཏོང་རྒྱུ་ཡིན་ལ། ཁྲིམས་འཛིན་སུའོ་གཞི་རིམ་དུ་གཞི་ཚུགས་པ་དང་མང་ཚོགས་དང་ཉེ་བར་བཅར་བའི་ལེགས་ཆ་འདོན་སྤེལ་གང་ལེགས་བྱས་ཏེ་སློབ་གསོ་སྒྱུར་བཀོད་དང་། སྡེ་ཁུལ་ཡོ་བསྲང་། རོགས་རམ་སློབ་གསོ་སྦྲེལ་མཐུད། རྩོད་གཞི་འདུམ་འགྲིག ཁྲིམས་སྐྱོང་དྲིལ་བསྒྲགས་བཅས་ལས་དོན་ཧྲིལ་པོར་བརྩིས་ནས་དམ་འཛིན་བྱེད་དགོས། བསྐྱར་དུ་ཉེས་གསོག་སྔོན་འགོག་དང་ཉུང་དུ་བཏང་ནས་དུས་བདེའི་ཀྲུང་གོ་འཛུགས་སྐྲུན་ལ་གཏན་འཁེལ་རང་བཞིན་སྔར་ལས་མང་བ་སྣོན་རྒྱུ་ཡིན།
རྒྱལ་ཁབ་བདེ་འཇགས་པུའུ་ཡི་སྐམ་དམག་ཝང་ཧྲེ་ཡིས་བཤད་རྒྱུར། ང་ཚོས་སྤྱི་ཁྱབ་ཧྲུའུ་ཅིའི་མཛུབ་སྟོན་གལ་ཆེན་ལ་གོ་བ་གཏིང་ཟབ་ལེན་པ་དང་ཕྱོགས་ཡོངས་ནས་ལག་བསྟར་བྱེད་པ། སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་ལག་བསྟར་གཏིང་ཟབ་བྱས་ནས་མངོན་གསལ་དོད་པའི་ཉེན་ཁར་དམིགས་པ། རྒྱལ་ཁབ་ཀྱི་བདེ་འཇགས་ལ་གནོད་འཚེ་གཏོང་བའི་བྱེད་སྒོར་ཁྲིམས་ལྟར་དོགས་ཟོན་ནན་མོ་དང་རྡུང་རྡེག་ཚ་ནན་བཏང་ནས་རྒྱལ་ཁབ་ཀྱི་བདག་དབང་དང་། བདེ་འཇགས། འཕེལ་རྒྱས་བཅས་ཀྱི་ཁེ་ཕན་སྲུང་སྐྱོང་མཐའ་གཅིག་ཏུ་བྱས་ནས། ཆུ་ཚད་སྔར་ལས་མཐོ་བའི་དུས་བདེའི་ཀྲུང་གོ་བསྐྲུན་ཆེད་རྒྱལ་ཁབ་བདེ་འཇགས་ཀྱི་སྟོབས་ཤུགས་ལེགས་འབུལ་རྒྱུ་ཡིན། །
ཧྥུའུ་ཅན་ཞིང་ཆེན་ཞ་མིན་གྲོང་ཁྱེར་ཧེ་ཚང་ཆུས་ཕྱོགས་བསྡུས་བཅོས་སྐྱོང་ལྟེ་གནས་ཀྱི་ཀྲུའུ་རིན་ཙིན་ཀོས་རོང་གིས་བཤད་རྒྱུར།གཞི་རིམ་ཕྱོགས་བསྡུས་བཅོས་སྐྱོང་ལྟེ་གནས་ཀྱི་ལས་དོན་མི་སྣ་ཞིག་གི་ངོས་ནས། ངས་དུས་རབས་གསར་པའི“ཧྥུན་ཆའོ་ཉམས་མྱོང”རྒྱུན་འཁྱོངས་དང་འཕེལ་རྒྱས་གཏོང་རྒྱུ་དང་། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་ཡིད་ལ་བརྟན་པོར་ངེས་པར་བྱས་ནས། མང་ཚོགས་ཉེ་འགྲམ་གྱི་རྩོད་གཞི་སེལ་བའི་ཞབས་ཞུའི་ས་ཚིགས་ཧུར་ཐག་གིས་གཏོད་ནས། མང་ཚོགས་ཀྱི་དཀའ་ངལ་དང་སེམས་ཁྲལ་གྱི་གནད་དོན་སྔར་ལས་ལེགས་པོའི་སྒོ་ནས་ཐག་གཅོད་བྱས་ཏེ་དུས་བདེའི་ཀྲུང་གོ་འཛུགས་སྐྲུན་གྱི་རྨང་གཞི་རྒྱུན་ཆད་མེད་པར་ཇེ་བརྟན་དུ་གཏང་རྒྱུ་ཡིན་ཟེར།
