བློ་མཐུན་ཙོའུ་ཅ་ཧྭ་ནི་ཀྲུང་གོ་གུང་ཁྲན་ཏང་གི་ཕུལ་བྱུང་ཏང་ཡོན་དང་། ཡུན་རིང་བོར་ཉམས་སད་ཐེག་པའི་བློ་སེམས་དཀར་བའི་གུང་ཁྲན་རིང་ལུགས་ཀྱི་འཐབ་མོ་བ། འབྱོར་མེད་གྲལ་རིམ་གྱི་གསར་བརྗེ་མཁན་བཅས་ཡིན་ལ། ཁོང་གིས་སྐབས་བཅུ་བཞི་པའི་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ། རྒྱལ་ཡོངས་དམངས་ཆེན་སྐབས་དགུ་པའི་རྒྱུན་ལས་ཨུ་ལྷན་གྱི་ཨུ་ཡོན་གཞོན་པ་སོགས་ཀྱི་འགན་བཞེས་མྱོང་།

ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཀྲང་གོ་ཆིང་གིས་ཚོགས་འདུའི་སྟེང་བློ་མཐུན་ཙོའུ་ཅ་ཧྭ་ཡི་ངོ་མཚར་བའི་སྐུ་ཚེ་ལོ་རྒྱུས་ལ་དྲན་གསོ་བྱས་པ་དང་། ཁོང་གི་དད་སེམས་བརྟན་པོ་དང་ཏང་ལ་ལྷག་བསམ་རྣམ་དག་བྱེད་པའི་བསམ་བློའི་གཤིས་རྒྱུད་བཟང་པོ་དང་། དངོས་ཐོག་བདེན་འཚོལ་དང་བདེན་པ་དོན་གཉེར་གྱི་ལས་ཀ་བྱེད་སྟངས། གསར་གཏོད་ཡར་བརྩོན་དང་འགན་འཁྲི་འཁུར་ཕོད་པའི་འབད་འཐབ་སྙིང་སྟོབས། བབ་ཆགས་གཞུང་དྲང་དང་རང་གཅུན་ནན་མོ་བྱེད་པའི་ཕུལ་བྱུང་གི་ཉམས་འགྱུར་སློབ་སྦྱོང་བྱས་ཏེ། དེང་རབས་ཅན་གྱི་སྟོབས་ལྡན་རྒྱལ་ཁབ་འཛུགས་སྐྲུན་དང་མི་རིགས་བསྐྱར་དར་རླབས་པོ་ཆེ་མངོན་འགྱུར་ཡོང་བར་སྐུལ་འདེད་གཏོང་ཆེད་ལེགས་སྐྱེས་གསར་པ་འབུལ་དགོས་ཞེས་བསྟན།

རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཏིང་ཞུའེ་ཞང་གིས་ཚོགས་འདུར་འགོ་འཛིན་བྱས།

ཚོགས་འདུའི་སྔོན་ལ་ཀྲའོ་ལེ་ཅི་ཡིས་བློ་མཐུན་ཙོའུ་ཅ་ཧྭའི་ནང་མིར་ཐུག་འཕྲད་བྱས།