ཞི་ཅིན་ཕིང་གིས་ནན་གྱིས་བསྟན་དོན། ཕ་ཡུལ་དང་རྒྱལ་ཁབ་སེམས་སུ་བཅངས་ཤིང་། ནུབ་རྒྱུད་དུ་རྩ་བ་ཚུགས་པ་དང་། སློབ་དར་འཇོན་མི་སྐྱེད་སྲིང་བྱེད་པ་བཅས་ནི། སི་ཁྲོན་སློབ་ཆེན་གྱི་སྲོལ་རྒྱུན་བཟང་པོ་ཡིན།  འགོ་རྩོམ་ས་གསར་པ་རུ། ཁྱོད་ཚོས་གསར་བརྗེའི་ཁྲག་རྒྱུན་རྒྱུན་འཛིན་བྱས་ཏེ། རིག་ཚན་དང་རྩིས་ཚན། བཟོ་ལས།  སྨན་ལས་བཅས་སྣོལ་སྡེབ་མཉམ་འདྲེས་ཀྱི་དགེ་མཚན་འདོན་སྤེལ་དང་། དུས་རབས་གསར་པའི་རྒྱལ་ཁབ་ཀྱི་འཐབ་ཇུས་ཁྲོད་ཞབས་འདེགས་ཞུ་བའི་གདོང་ལེན་པ་དང་མིག་དཔེ་ཧུར་ཐག་གིས་བསྟན་ནས། སློབ་གསོའི་རྒྱལ་ཁབ་སྟོབས་ལྡན་དང་ཚན་རྩལ་རྒྱལ་ཁབ་སྟོབས་ལྡན། འཇོན་མིའི་རྒྱལ་ཁབ་སྟོབས་ལྡན་བཅས་འཛུགས་སྐྲུན་བྱེད་པར་དགེ་མཚན་ལྡན་པའི་བྱས་རྗེས་འཇོག་པར་རེ་བ་བཅངས་ཡོད།

སི་ཁྲོན་སློབ་ཆེན་ནི1896ལོར་བཙུགས་པའི་དེ་སྔའི་སི་ཁྲོན་དབུས་ནུབ་རྒྱུད་སློབ་གྲྭ་ཡིན་པ་དང་། རང་རྒྱལ་ལྷོ་ནུབ་ས་ཁུལ་དུ་བཙུགས་པའི་ཆེས་སྔ་བའི་མཐོ་རིམ་སློབ་གསོའི་ལས་ཁུངས་ཡིན། ཉེ་ཆར། སི་ཁྲོན་སློབ་ཆེན་གྱི་དགེ་སློབ་ཡོངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འཕྲིན་ཡིག་སྤྲིངས་ཏེ།  སློབ་གྲྭའི་འཕེལ་རྒྱས་བརྒྱུད་རིམ་དང་སློབ་གཉེར་གྲུབ་འབྲས་སྙན་སེང་ཞུས་ནས། མེས་རྒྱལ་གྱི་ནུབ་རྒྱུད་དུ་རྐང་ཚུགས་པ་དང་སློབ་གསོ་དར་སྤེལ་དང་རྒྱལ་ཁབ་ལ་དྲིན་ལན་འཇལ་བའི་ཆོད་སེམས་མཚོན་པར་བྱས།