​ཀྲུང་གོ་དང་ཨུ་རུ་སུ། ཨ་རི་བཅས་རྒྱལ་ཁབ་གསུམ་གྱི་གཙོ་འཛིན་གྱིས་ཞི་བདེའི་བསྒྲགས་གཏམ་སྤེལ། 
ཁུངས། ཀྲུང་དབྱང་བརྙན་འཕྲིན་དྲ་བ། ཀློག་གྲངས།

ཀྲུང་གོ་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་། ཨུ་རུ་སུའི་སྲིད་འཛིན་ཕུའུ་ཅིང་། ཨ་རིའི་སྲིད་འཛིན་ཐི་ལིང་ཕུའུ་བཅས་ཀྱིས2026ལོའི་ཟླ11པའི་ཚེས19ཉིན་ཧྲེན་ཀྲིན་དུ་ཞལ་འཛོམས་གྲོས་མོལ་གནང་། ཨུ་རུ་སུ་དང་ཨ་རིའི་འགོ་ཁྲིད་པས་ཀྲུང་གོ་ཕྱོགས་ཀྱིས་ཐེངས་འདིའི་ལོ་རྒྱུས་རང་བཞིན་ལྡན་པའི་ཞལ་འཛོམས་གྲོས་མོལ་གཙོ་སྒྲུབ་གནང་བར་ཐུགས་རྗེ་ཆེ་ཞུས་ཤིང་། རྒྱལ་ཁབ་གསུམ་གྱི་གཙོ་འཛིན་གྱིས་དེང་སྐབས་ཀྱི་རྒྱལ་སྤྱིའི་གནས་བབ་ཐད་དགོངས་འཆར་བརྗེ་རེས་གཏིང་ཟབ་གནང་ནས། འཐབ་ཇུས་བརྟན་བརླིང་དང་རྒྱལ་སྤྱིའི་བདེ་འཇགས་སྲུང་སྐྱོང་ལ་ཐུགས་གཞོལ་གནང་།

གཅིག   མཉམ་འབྲེལ་རྒྱལ་ཚོགས་ཀྱི་བདེ་འཇགས་ལས་འཛིན་ལྷན་ཚོགས་ཀྱི་ལས་འགན་རྒྱུན་འཁུར་རྒྱལ་ཁབ་ཡིན་པའི་ཀྲུང་གོ་དང་། ཨུ་རུ་སུ། ཨ་རི་བཅས་ཀྱིས་མཉམ་འབྲེལ་རྒྱལ་ཚོགས་ཀྱི་སྒྱུར་བཅོས་ལ་སྐུལ་འདེད་གཏོང་བར་རྩེ་གཅིག་ཏུ་གཞོལ་ནས། གོ་ལ་ཧྲིལ་པོའི་འགྲན་སློང་ལ་ནུས་ལྡན་གྱིས་ཁ་གཏད་འཇལ་དགོས་པ་མ་ཟད། རྒྱལ་སྤྱིའི་ཞི་བདེ་དང་བདེ་འཇགས་ལ་སྲུང་སྐྱོང་བྱེད་པའི་གཞི་རྩའི་འགན་འཁྲི་སྒྲུབ་དགོས།

གཉིས། རྒྱལ་ཁབ་གསུམ་གྱིས་འཆར་གཞི་ལྟར་རྡོ་སྣུམ་ཐོན་རྫས་ཀྱི་ཐོན་སྐྱེད་དང་མཁོ་སྤྲོད་ཇེ་མང་དུ་གཏོང་དགོས་ལ། འཛམ་གླིང་རྒྱལ་ཁབ་ཁག་ལ་བདེ་སྐྱིད་བསྐྲུན་དགོས། རྒྱལ་ཁབ་གསུམ་གྱིས་ནུས་ཁུངས་གཏན་འཇགས་ངང་འཁོར་རྒྱུག་བྱེད་པའི་གལ་ཆེན་རང་བཞིན་བསྐྱར་བསྒྲགས་གནང་།

གསུམ། རྒྱལ་ཁབ་གསུམ་གྱི་གཙོ་འཛིན་གྱིས་རྒྱལ་ཁབ་ཀྱི་མོས་མཐུན་བྱུང་བའི་རྩ་དོན་དང་། རྒྱལ་ཁབ་ཀྱི་དཔོན་རིགས་ཀྱིས་ཁྲིམས་སྒོ་རང་བཙན་གྱི་དབང་ཆ་ལོངས་སུ་སྤྱོད་པར་བརྩི་འཇོག་བྱ་རྒྱུ་ནི་གལ་ཆེན་ཡིན་པར་ཁས་ལེན་གནང་། རྒྱལ་སྤྱིའི་ཉེས་དོན་ཁྲིམས་ཁང་དང་དེ་བཞིན་ལས་ཁུངས་གཞན་དག་གིས་བདག་སྐྱོང་དབང་ཆ་གང་བྱུང་དུ་སྤྱད་མི་ཆོག་པའི་ངོས་འཛིན་གཅིག་མཐུན་བྱུང་ཡོད།

བཞི། རྒྱལ་ཁབ་གསུམ་གྱི་གཙོ་འཛིན་གྱིས་ཉིང་རྡུལ་དམག་འཁྲུག་ལ་རྒྱལ་ཁ་འཐོབ་མི་ཐུབ་ཅིང་དམག་འཁྲུག་རྒྱག་མི་རུང་བ་བསྐྱར་བསྒྲགས་གནང་། རྒྱལ་ཁབ་གསུམ་གྱིས་ཉིང་རྡུལ་གྱི་ཉེན་ཁ་ཇེ་ཆུང་དུ་གཏོང་བ་དང་། ཉིང་རྡུལ་མཆེད་པར་སྔོན་འགོག་བྱེད་པའི་ཐད་གླེང་མོལ་བྱས།