ས་གནས་དེའི་དུས་ཚོད་ཟླ6པའི་ཚེས9ཉིན་གྱི་ཕྱི་དྲོར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཁྲའོ་ཞན་གྱི་རྒྱལ་དོན་འཚམས་འདྲི་མཇུག་སྒྲིལ་ཏེ་ཕེན་རང་ནས་ཞལ་གྱེས་གནང་། ཁྲའོ་ཞན་ངལ་རྩོལ་ཏང་གི་སྤྱི་ཁྱབ་ཧྲུའུ་ཅི་དང་རྒྱལ་སྲིད་ཨུ་ཡོན་ཀྲང་ཅིན་ཀྲེང་ཨེན་དང་སྐུ་ཟླ་ལི་ཞའེ་ཀྲུའུ་ཡིས་གནམ་གྲུ་ཐང་དུ་སྐྱེལ་མ་ཞུས་ཏེ། ཞི་ཅིན་ཕིང་དང་ལྕམ་མོ་ཕིན་ལི་ཡོན་རྣམ་གཉིས་ལ་སྐྱེལ་མའི་མཛད་སྒོ་གཟབ་རྒྱས་སྤེལ།
ས་གནས་དེའི་དུས་ཚོད་ཟླ6པའི་ཚེས9ཉིན་གྱི་ཕྱི་དྲོར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཁྲའོ་ཞན་གྱི་རྒྱལ་དོན་འཚམས་འདྲི་མཇུག་སྒྲིལ་ཏེ་ཕེན་རང་ནས་ཞལ་གྱེས་གནང་།
གནམ་གྲུ་ཐང་དུ་ཕེབས་པའི་ལམ་དུ། ཕེན་རང་གི་ལས་རིགས་ཁག་གི་མང་ཚོགས་གཞུང་ལམ་གྱི་གཡས་གཡོན་དུ་འཛོམས་ཏེ། ཀྲུང་ཁྲའོ་རྒྱལ་ཁབ་གཉིས་ཀྱི་རྒྱལ་དར་དང་མེ་ཏོག་གཡུག་བཞིན་ཀྲུང་ཁྲའོ་ཡི་མཛའ་བརྩེའི་འབོད་ཚིག་བསྒྲགས་ནས་སྤྲོ་སེམས་འཁོལ་བའི་ངང་སྐྱེལ་མ་ཞུས།
ཁྲའོ་ཞན་ངལ་རྩོལ་ཏང་གི་སྤྱི་ཁྱབ་ཧྲུའུ་ཅི་དང་རྒྱལ་སྲིད་ཨུ་ཡོན་ཀྲང་ཅིན་ཀྲེང་ཨེན་དང་སྐུ་ཟླ་ལི་ཞའེ་ཀྲུའུ་ཡིས་གནམ་གྲུ་ཐང་དུ་སྐྱེལ་མ་ཞུས་ཏེ། ཞི་ཅིན་ཕིང་དང་ལྕམ་མོ་ཕིན་ལི་ཡོན་རྣམ་གཉིས་ལ་སྐྱེལ་མའི་མཛད་སྒོ་གཟབ་རྒྱས་སྤེལ། མང་ཚོགས་དང་ལོ་ཆུང་བྱིས་པ་སྟོང་ཕྲག་ཁ་ཤས་གྲལ་བསྒྲིགས་ནས་སྤྲོ་སེམས་འཁོལ་བའི་ངང་ཕེབས་སྒུག་ཞུ་བཞིན་ཡོད། དཔའ་ངར་ཆེར་སྐྱེད་ཀྱི་རོལ་དབྱངས་ཁྲོད། ཞི་ཅིན་ཕིང་གིས་ཅིན་ཀྲེང་ཨེན་གྱི་ཕེབས་རོགས་འོག་གཟབ་སྦྲེང་རུ་ཁག་ལ་གཟིགས་ཞིབ་གནང་བ་དང་། ཞི་ཅིན་ཕིང་གིས་མང་ཚོགས་ལ་ཕྱག་གཡུག་གནང་སྟེ་བདེ་མོ་བཞག ཞི་ཅིན་ཕིང་གིས་ཁྲའོ་ཞན་ཕྱོགས་ཀྱི་མཐོ་རིམ་དཔོན་རིགས་རེ་རེར་ཕྱག་འཇུས་གནང་ལ། ཞི་ཅིན་ཕིང་སྐུ་ཟླ་དང་ཅིན་ཀྲེང་ཨེན་སྐུ་ཟླས་བྱམས་བརྩེའི་ངང་ཞལ་གྱེས་གནང་།
ཚའེ་ཆི་དང་ཝང་དབྱི་སོགས་སྐྱེལ་མའི་མཛད་སྒོར་ཞུགས།
