​ཟླ་འདིའི་བདེ་འཇགས་ལས་འཛིན་ལྷན་ཚོགས་ཀྱི་རེས་སྐོར་ཀྲུའུ་ཞིའི་རྒྱལ་ཁབ་སོ་མཱ་ལིའི་མཉམ་འབྲེལ་རྒྱལ་ཚོགས་སུ་རྒྱུན་དུ་སྡོད་པའི་འཐུས་ཚབ་ཚོགས་པས་ཚེས3ཉིན་བདེན་དཔང་བྱས་དོན། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཚེས5ཉིན་གྱི་སྔ་དྲོའི་དུས་ཚོད་བཅུའི་སྟེང་ཨ་མེ་རི་ཁས་ཝེ་ནེ་ཙུའེ་ལཱར་དམག་དོན་འགུལ་སྐྱོད་སྤེལ་བའི་ཐད་ནས་བྲེལ་མྱུར་གྲོས་ཚོགས་སྤེལ་རྒྱུ་ཡིན་ཐག་བཅད་ཡོད་ཟེར།

མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཀུའུ་ཐི་ལོས་སིའི་མགྲིན་ཚབ་པས་ཚེས3ཉིན་བཤད་རྒྱུར། ཀུའུ་ཐི་ལོས་སི་ཡིས་ཝེ་ནེ་ཙུའེ་ལཱའི་གནས་བབ་ཛ་དྲག་ཏུ་གྱུར་བར་སེམས་ཁུར་བྱེད་བཞིན་ཡོད་པ་དང་། དེ་ནི་སྔར་མེད་ཀྱི་ཉེན་ཁ་ཞིག་ཡིན་པའི་ཚུལ་བསྟན་ཡོད་ཟེར།

བསོད་ནམས་ཚེ་རིང་གིས་བསྒྱུར།