སྔོན་ཉིན་མོར་དབྱི་ལང་ལ་དམག་དོན་རྡུང་རྡེག་མི་གཏོང་བ་ཁྱབ་བསྒྲགས་བྱས་རྗེས། ཨ་རིའི་སྲིད་འཛིན་ཐི་ལང་ཕུའུ་ཡིས་ཚེས2ཉིན། དབྱི་ལང་བར་གྱི་གྲོས་མོལ་དེ་ཚེས3ཉིན་མགོ་རྩོམ་པ་བསྟན། དབྱི་ལང་ཕྱི་འབྲེལ་པུའུ་ཡི་མགྲིན་ཚབ་པ་པཱ་ཅ་ཨའེ་ཡིས་ཚེས3ཉིན་བསྟན་དོན། མིག་སྔར་དབྱི་ལང་གིས་ཨ་རི་དང་གྲོས་མོལ་བྱས་མེད་ལ། ཉེ་ཆར་དབྱི་ལང་ལ་འཐུས་ཚབ་ཚོགས་པ་སྣེ་ལེན་བྱེད་པའམ་ཡང་ན་ཕྱི་ཕྱོགས་སུ་འཐུས་ཚབ་ཚོགས་པ་མངག་གཏོང་བྱེད་པའི་འཆར་གཞི་ཡང་མེད།

ཨ་རི་ཕྱོགས་ཀྱིས་དབྱི་ལང་ལ་དམག་དོན་རྡུང་རྡེག་མི་གཏོང་བ་ཁྱབ་བསྒྲགས་བྱས་པའི་དོན་དེར། དབྱི་སི་རལ་གྱི་སྨྱན་སྦྱོར་གྱིས་ཚེས2ཉིན་གསར་འགྱུར་སྤེལ་ནས་བཤད་རྒྱུར། དབྱི་སི་རལ་གྱི་མཐོ་རིམ་མི་སྣས་དེའི་ཐད་སྔོན་ཚུད་ནས་གནས་ཚུལ་མི་ཤེས་པ་དང་། དབྱི་སི་རལ་ནི་ཨ་རིས་ལོགས་སུ་དོར་བའི་ཚོར་བ་སྟེར། དབྱི་སི་རལ་གྱི་སྲིད་གཞུང་གིས་གནས་ཚུལ་འདི་ལ་ལན་མ་བཏབ།

དབྱི་ལང་གིས་ཨ་མན་དང་མཉམ་དུ་ཧོ་འར་མུའུ་ཙི་མཚོ་འགག་ཏུ་མཁའ་ལམ་གསར་པ་ཞིག་གཏན་འཁེལ་བྱེད་པར་གྲོས་བསྡུར་བྱས་པ་དང་། ཉིན་དེར་དབྱི་ལང་ཕྱི་འབྲེལ་པུའུ་ཡིས་བསྒྲགས་པའི་གནས་ཚུལ་ལྟར་ན། དབྱི་ལང་གིས་ཨ་མན་དང་མཉམ་དུ་ཧོ་འར་མུའུ་ཙི་མཚོ་འགག་ཏུ་མཁའ་ལམ་གསར་པ་ཞིག་གཏན་འཁེལ་བྱས་ནས། ཕྱོགས་གཉིས་ཀྱི་བདག་དབང་དང་ཁེ་དབང་ལ་ཁག་ཐེག་བྱེད་པར་གྲོས་བསྡུར་བྱེད་བཞིན་ཡོད་པ་རེད། དབྱི་ལང་སྨྱན་སྦྱོར་གྱིས་གནས་ཚུལ་སྤེལ་བ་ལྟར་ན། དབྱི་ལང་དང་ཨ་མན་གྱིས་ཐུན་མོང་ཐོག་ཧོ་འར་མུའུ་ཙི་མཚོ་འགག་དོ་དམ་བྱེད་པའི་སྐོར་གྱི་གྲོས་མོལ་དེ་མཐའ་མའི་དུས་མཚམས་སུ་སླེབས་ཡོད།