ཨ་རིའི་སྲིད་འཛིན་ཐི་ལང་ཕུའུ་ཡིས་ཚེས4ཉིན་ཨ་རིའི་ཧྥུ་ཁི་སི་གསར་འགྱུར་འཕྲིན་ལམ་གྱི་བཅར་འདྲི་དང་ལེན་བྱས་ཏེ་བཤད་རྒྱུར། ཧོ་འར་མོ་ཙི་མཚོ་འགག་མི་འགྱངས་པར་སྒོ་འབྱེད་དགོས། དེ་མིན་ཚེ་དབྱི་ལང་ལ་རྡུང་རྡེག་དྲག་པོ་ཐེབས་ངེས་ཡིན་ཟེར།

དབྱི་ལང་དང་འབྲེལ་བ་བྱས་པ་གླེང་ཚེ། ཐི་ལང་ཕུའུ་ཡིས་བཤད་རྒྱུར། ང་ཚོའི་གྲོས་མོལ་བྱས་པའི་འཕེལ་རིམ་ཧ་ཅང་བདེ་བླག་ཡིན། དབྱི་ལང་ཕྱོགས་ཀྱིས་ཁས་ལེན་མི་འདོད་པ་དེས་ངོ་མ་དོགས་མི་བདེ་བར་བཏང་སོང་། ད་སོ་མ་ང་ཚོའི་བར་གྲོས་མོལ་བྱས་པ་ཧ་ཅང་བཟང་ཟེར་དུས། དབྱི་ལང་ཕྱོགས་ཀྱི་མི་དེས་ང་ཚོ་གཏན་ནས་ངོ་མ་ཐུག་ཟེར། འདི་ངོ་མ་རྫུན་གཏམ་རེད། ཁོ་ཚོ་དོན་དངོས་སུ་གྲོས་མཐུན་བྱུང་ན་འདོད་ཡོད་ཟེར།

དབྱི་ལང་གིས་ཡང་བསྐྱར་གྲོས་མོལ་བྱེད་རྩིས་མེད་ན་ཨ་རིས་ཁ་གཏད་ཇི་ལྟར་འཇལ་རྒྱུ་ཡིན་པ་འདྲི་དུས། ཐི་ལང་ཕུའུ་ཡིས་བཤད་རྒྱུར། ཁོ་ཚོ་ད་རུང་བློ་འགྱུར་ན། རྡུང་རྡེག་དྲག་པོ་ཐེབས་ངེས་ཡིན་ཞེས་ལན་བཏབ། ཁོས་དུས་མཚུངས་སུ་རྡུང་རྡེག་གཏོང་མི་དགོས་པའི་རེ་བ་བཅངས་ཡོད་ཟེར།

ཨ་རིའི་ཨ་ཁི་ཞི་ཨོ་སི་གསར་འགྱུར་དྲ་ཚིགས་ཀྱིས་ཚེས4ཉིན་བསྒྲགས་པ་ལྟར་ན། ས་ཁུལ་གྱི་གནས་ཚུལ་ཤེས་མཁན་གཉིས་དང་ཨ་རིའི་དཔོན་པོ་ཞིག་གིས་བཤད་རྒྱུར། ཨ་རི་དང་དབྱི་ལང་། ཨ་མན་བཅས་རྒྱལ་ཁབ་གསུམ་བར་དུ་ཧོ་འར་མོ་ཙི་མཚོ་འགག་ཡང་བསྐྱར་སྒོ་འབྱེད་པའི་གནས་སྐབས་གྲོས་མཐུན་ཞིག་འཇོག་ལ་ཉེ་ཞིང་། ཨ་རི་ཕྱོགས་ཀྱིས་ཚེས5ཉིན་གནས་སྐབས་གྲོས་མཐུན་འདིའི་གནས་ཚུལ་བསྒྲགས་རྒྱུའི་རེ་བ་བཅངས་ཡོད།

​