ཧྲང་ཧེ་མཉམ་ལས་རྩ་འཛུགས་ཀྱི་ཁོངས་གཏོགས་རྒྱལ་ཁབ་ཀྱི་བདེ་འཇགས་ལས་ཁུངས་ཀྱིས་ཚེས་བཅུ་གསུམ་ཉིན་ཧཱ་སག་སི་ཐན་ལྷོ་ཕྱོགས་ས་ཁུལ་དུ་མཉམ་འབྲེལ་གྱིས་འཇིགས་སྐུལ་ལ་ངོ་རྒོལ་བྱེད་པའི་དམག་དོན་སྦྱོང་བརྡར་བྱ་འགུལ་སྤེལ་བ་དང་། གཙོ་བོ་མི་སྣ་མང་བོ་འདུས་སར་འཇིགས་སྐུལ་ཉེས་ཅན་རྩ་མེད་དུ་གཏོང་བ་དང་། འཇིགས་སྐུལ་བྱ་འགུལ་ལ་བཀག་འགོག་བྱེད་པ། མི་གཏའ་སྐྱོབ་པ་སོགས་ནང་དོན་སྦྱོང་བརྡར་བྱས།

བསྒྲགས་པའི་གནས་ཚུལ་ལྟར་ན། དམག་དོན་སྦྱོང་བརྡར་དེ་ནི་ཧཱ་སག་སི་ཐན་ཀྲིག་ལྷོ་མའི་ལྟེ་གནས་གྲོང་ཁྱེར་ཆི་མུའུ་ཁུན་ཐིའི་ཉེ་འདབས་ཀྱི་ཨ་ཁི་ཐཱ་སི་མདའ་འཕེན་ར་བ་ནས་སྤེལ། ཐེངས་འདིའི་དམག་དོན་སྦྱོང་བརྡར་ནི་ཧྲང་ཧེ་མཉམ་ལས་རྩ་འཛུགས་ཀྱི་ས་ཁུལ་འཇིགས་སྐུལ་ངོ་རྒོལ་ལས་ཁུངས་ལག་བསྟར་ཨུ་ཡོན་ལྷན་ཁང་གིས་བཏོན་པའི་ཆོད་དོན་གཞིར་བཟུང་སྟེ་སྤེལ་བ་ཡིན། དམག་དོན་སྦྱོང་བརྡར་སྐབས་འཇིགས་སྐུལ་ཉེས་ཅན་བསྡད་པའི་གྱེན་འཕུར་གནམ་གྲུ་དང་རླངས་འཁོར་སོགས་ཧཱ་སག་སི་ཐན་མངའ་ཁོངས་སུ་ཡོང་བ་དང་། ཧཱ་སག་སི་ཐན་གྱི་མཐའ་མཚམས་ས་ཁུལ་གྱི་གྲོང་སྡེ་ཞིག་ནས་མི་གཏའ་བཙན་ཁྲིད་བྱས་ཏེ་འཇིགས་སྐུལ་བྱ་འགུལ་སྤེལ་རྩིས་ཤིང་། ཧྲང་ཧེ་མཉམ་ལས་རྩ་འཛུགས་ཀྱི་འཇིགས་སྐུལ་ངོ་རྒོལ་ལས་ཁུངས་ཀྱིས་བར་སྣང་དང་ས་ངོས་ནས་འགུལ་སྐྱོད