ཟླ་གསུམ་པའི་ཚེས་བདུན་ཉིན། ཧན་གོའི་ཕུའུ་ཞང་གྲོང་ཁྱེར་ཉེ་འདབས་ཀྱི་མཚོ་ཁོངས་ནས། ཧན་གོའི་དམག་ཕྱོགས་ཀྱི་ཐོལ་རྒོལ་སྐམ་སར་འབུད་པའི་རླངས་འཁོར་གྲུ་གཟིངས་ཀྱི་ཕྱོགས་སུ་བགྲོད་བཞིན་ཡོད།
ཧན་གོ་དང་ཨ་མེ་རི་ཁ་རྒྱལ་ཁབ་གཉིས་ཀྱི་དམག་དཔུང་གིས་ཧན་གོའི་མངའ་ཁོངས་ནས་ཚབ་མིང་ལ་གནད་འགག་ཇུས་ཆོད་དང་བྱ་རྒོད་ཅེས་པའི་རྒྱུན་ལྡན་གྱི་མཉམ་འབྲེལ་དམག་དོན་སྦྱོང་བརྡར་བྱ་འགུལ་དངོས་སུ་སྤེལ་མགོ་བརྩམས། དམག་ཕྱོགས་ཀྱི་འབྲེལ་ཡོད་མི་སྣས་བཤད་པ་ལྟར་ན། དེ་ནི་ཉིས་སྟོང་བཅུ་ལོའི་ཟླ་གསུམ་པར་ཐེན་ཨན་རྟགས་ཅན་གྱི་དོན་རྐྱེན་བྱུང་བའི་ཚུན་གྱི་གཞི་རྒྱ་ཆེས་ཆེ་བའི་ཧན་གོ་དང་ཨ་མེ་རི་ཁའི་མཉམ་འབྲེལ་དམག་དོན་སྦྱོང་བརྡར་ཞིག་ཡིན་པ་རེད།
རྒྱུས་ལོན་བྱུང་བ་ལྟར་ན། གནད་འགག་ཇུས་ཆོད་ཅེས་པའི་མཉམ་འབྲེལ་དམག་དོན་སྦྱོང་བརྡར་ཟླ་འདིའི་ཚེས་བཅོ་བརྒྱད་ཉིན་མཇུག་སྒྲིལ་རྒྱུ་ཡིན་པ་དང་། བྱ་རྒོད་ཅེས་པའི་མཉམ་འབྲེལ་དམག་དོན་སྦྱོང་བརྡར་ཟླ་བཞི་བའི་ཚེས་སུམ་ཅུའི་ཉིན་
