​ཉེ་ཆར།ཀན་སུའུ་ཞིང་ཆེན་ཝུའུ་བེ་གྲོང་ཁྱེར་དཔའ་རིས་རྫོང་གིས་གླ་གཏོང་རླངས་འཁོར་གཉེར་སྐྱོང་ཞབས་ཞུ་སྤུས་ཚད་མཐོར་འདེགས་གཏོང་ཆེད།དག་ཐེར་ལས་འགུལ་སྤེལ་ནས་དོ་དམ་ནན་མོ་དང་ཞབས་ཞུ་དྲོན་མོ་རྒྱུན་འཁྱོངས་བྱས་ཏེ།གླ་གཏོང་རླངས་འཁོར་དང་དྲ་མངག་རླངས་འཁོར་གྱི་གཉེར་སྐྱོང་བྱ་སྤྱོད་ཚད་ལྡན་དུ་བཏང་། 

 དྲ་འཕྲིན་དང་སྤྱི་བདེ། གྲོང་ཁྱེར་དོ་དམ།འགྲིམ་འགྲུལ་ཁྲིམས་འཛིན་སོགས་ལས་ཁུངས་དང་མཉམ་འབྲེལ་བྱས་ཏེ་ཆེད་དམིགས་དག་ཐེར་གྱི་ལག་བསྟར་ཇུས་གཞི་བཏོན་ནས་ཁེ་ལས་དང་ཁ་ལོ་བར་དཔྱད་ཞིབ་སོགས་ལྟ་ཞིབ་དོ་དམ་སྒྲིག་ལམ་འཐུས་ཚང་དུ་བཏང་ཞིང་།འབུར་ཐོན་གནད་དོན་ལ་གནད་འཁེལ་ངང་དག་ཐེར་བྱས།ཆེད་སྒྲིག་བཀོད་སྒྲིག་ཚོགས་འདུ་བསྡུས་ཏེ་གླ་གཏོང་རླངས་འཁོར་གཉེར་སྐྱོང་གི་ཁེ་ལས་བཞི་དང་གླ་གཏོང་རླངས་འཁོར་གྱི་ཁ་ལོ་བ380དང་ཚད་ལྡན་ཅན་གྱི་གཉེར་སྐྱོང་གན་རྒྱ་བཞག རྒྱུན་ནམ་ཅན་གྱི་བདེ་འཇགས་གསོ་སྦྱོང་དང་རླངས་འཁོར་མངོན་མེད་རྐྱེན་ངན་རྩད་གཅོད་བྱ་བ་སྤེལ་ནས་སྒྲིག་འགལ་གྱི་བྱ་སྤྱོད་མགོ་ཁུངས་ནས་ཇེ་ཉུང་དུ་བཏང་།བསྡོམས་པའི་རིགས་སོ་སོའི་རླངས་འཁོར༣༩༧ལ་འཐེན་ཞིབ་བྱས་ནས་སྒྲིག་འགལ་གླ་གཏོང་རླངས་འཁོར༤༣ལ་ཁྲིམས་ཆད་བཅད།སྐོར་ཞིབ་ཐེངས་༥༦སྤེལ་ནས་ནུས་ལྡན་སྒོས་ལས་རིགས་ཚད་ལྡན་ཅན་དུ་བཏང་། 

ཆེད་དམིགས་དག་ཐེར་ལས་འགུལ་སྤེལ་བ་ནས་བཟུང་།རྫོང་ཡོངས་ཀྱི་འགྲུལ་སྐྱེལ་ཚོང་རའི་སྒྲིག་ལམ་མངོན་གསལ་ལེགས་བཅོས་བྱུང་བ་དང་གྲོང་ཁྱེར་གྱི་འགྲུལ་བཞུད་དཔལ་ཡོན་སྒེའུ་ཁུང་གསལ་བར་གྱུར་ནས་མང་ཚོགས་ཕྱིར་འབུད་པའི་བློར་འབབ་ཚད་དང་ཉམས་ལེན་ཚད་ཇེ་མཐོར་བཏང་། 

དཔའ་རིས་རྫོང་སྨྱན་སྦྱོར་ལྟེ་གནས།། ལྕགས་མགོ་ཚེ་རིང་། བདེ་སྐྱིད་སྒྲོལ་མ།