“མཚོ་སྔོན་གྱི་ཁྱིམ་གྱི་གསོལ་སྟོན”ཞེས་པའི་འགྲེམ་ཁུལ་དུ། མཚོ་སྔོན་གྱི་འཐེན་ཐུག་དང་ནོར་གནག་གི་ཤ།  འབྲི་ཞོ་བཅས་ཀྱི་ཚོང་སྟེགས་མདུན་དུ་མི་ཚོགས་ཀྱིས་ཁེངས་འདུག

ཀྲུང་གོའི་རྒྱལ་སྤྱིའི་ནང་འདྲེན་དངོས་མང་སྟོན་ཚོགས་སྐབས་དགུ་བའི“མཚོ་སྔོན་གྱི་ཁྱིམ་གྱི་གསོལ་སྟོན”ཞེས་པའི་འགྲེམ་ཁུལ་གྱི་འཐེན་ཐུག་ལག་ཤེས་པ་མཱ་ཧ་ནའེ་ཡིས་བཤད་རྒྱུར། དུས་ཚོད་གཉིས་ཀྱི་ནང་ལ་འཐེན་ཐུག་དཀར་ཡོལ་སུམ་བརྒྱ་ལྷག་བཙོངས་ཐུབ་ཐལ།

འཐེན་ཐུག་ལས་གཞན། ནོར་གནག་གི་ཤ་དང་འོ་མའི་ཐོན་རྫས། འཕང་འབྲས་སོགས་ཁྱད་ལྡན་ཐོན་རྫས་ཀྱི་འགྲེམ་སྟེགས་མདུན་དུའང་རོལ་མྱོང་དང་བློ་འདྲི་བྱེད་དུ་འོང་བའི་འགྲེམ་སྟོན་ཚོང་བ་དང་ཡུལ་སྐོར་བས་ཁེངས་འདུག

མཚོ་སྔོན་མགོ་ལོག་གངས་རིའི་ཟས་རིགས་ཚད་ཡོད་ཀུང་ཟིའི་ཕྱིར་ཚོང་སྤྱི་གཉེར་བ་ཡེང་ཅན་ཀེ་ཡིས་བཤད་རྒྱུར།  ང་ཚོའི“གངས་རི”ཞེས་པའི་ཀྲུང་ཧྭའི་ཟོང་རྟགས་གྲགས་ཅན་འདིའི་འབྲི་ཞོ་ནི་ནང་འདྲེན་དངོས་མང་སྟོན་ཚོགས་ལ་ཞུགས་ཐེངས་གཉིས་པ་ཡིན་ཞིང་།  ཧྲང་ཧའེ་ཡི་གྲོང་མི་དང་རྒྱ་ཆེའི་འགྲེམ་སྟོན་ཚོང་བས་དགའ་བསུ་ཆེན་པོ་ཐོབ་ཡོད་ལ། ཕྱིར་ཉོ་རུ་ཡོང་བའི་མགྲོན་པོའང་མང་པོ་འདུག ནང་འདྲེན་དངོས་མང་སྟོན་ཚོགས་སྐབས་སུ། ཉིན་རེའི་ཕྱིར་ཚོང་ཚད་སྒམ་ཆུང2000ཡས་མས་རེད།

​མཚོ་སྔོན་ཞིང་ཆེན་ཚོང་དོན་ཐིང་གི་འགོ་ཁྲིད་གཞོན་པ་ལི་ཞའོ་ཧུའེ་ཡིས་བཤད་རྒྱུར། ཟས་ཞིམ་པོར་བརྟེན་ནས་དཔལ་འབྱོར་ཉོ་ཚོང་གི་འབྲེལ་ཟམ་བཙུགས་པ་བརྒྱུད། མཚོ་སྔོན་གྱི་ཐོན་རྫས་བཟང་པོ་རྒྱལ་ཡོངས་དང་འཛམ་གླིང་གི་ཕྱོགས་སུ་བསྐྱོད་པ་དང་། ཁྱིམ་གྱི་གསོལ་སྟོན་ཞེས་པ་ཐེངས་གཅིག་བཤམས་པར་བརྟེན་ནས། གསོལ་སྟོན་གྱིས་ཐོན་རྫས་དྲིལ་སྒྲོག་དང་། ཐོན་རྫས་ཀྱིས་ཐོན་ལས་ལ་སྐུལ་འདེདགཏོང་བ། ཐོན་ལས་ཀྱིས་ཞིང་ལས་དར་རྒྱས་གཏོང་བ་བཅས་ཀྱི་ཐོན་ལས་མ་ལག་འཛུགས་དགོས།  ཚོང་དོན་སྤེལ་རེས་དང་འཛད་སྤྱོད་རོགས་སྐྱོར། བཟའ་བཏུང་རིག་གནས་བཅས་མཉམ་འདྲེས་གཏིང་ཟབ་བྱ་རྒྱུར་སྐུལ་འདེད་བཏང་སྟེ། མཚོ་སྔོན་གྱི་སྒོ་འབྱེད་དང་གསོན་ཤུགས་མངོན་དགོས་པ་རེད།