གཞོན་སྐྱེས་གླུ་མ་ལྷ་སྐྱིད་ནི་ཕ་ཡུལ་ཟི་ཁྲོན་དཀར་མཛེས་ཁུལ་གསེར་རྟ་རྫོང་ཡང་གོ་ཡུལ་ཚོ་ཡར་ཤོག་ཚོ་བའི་རོང་ཁྱིམ་དཀྱུས་མ་ཞིག་ཏུ་སྐྱེས། ལོ་བདུན་གྱི་སྟེང་རང་ཡུལ་གྱི་སློབ་ཆུང་འགྲིམས་ཏེ་གསལ་བྱེད་སུམ་ཅུ་གཙོས་པའི་བོད་ཡིག་གི་རྨང་གཞིའི་ཤེས་བྱའི་སྐོར་ལ་བག་ཆགས་ཕྲན་ཙམ་འཇོག་མགོ་བརྩམས་མོད། རྗེས་སུ་ཁྱིམ་དང་སློབ་གྲྭའི་ཕྱི་ནང་གི་རྒྱུ་རྐྱེན་གང་མང་ཞིག་གིས་རྐྱེན་བྱས་མུ་མཐུད་དུ་སློབ་གྲྭར་འགྲིམ་པའི་སྐལ་བ་མ་ལྡན་པ་རེད། དུས་དེ་ནས་བཟུང་། མོས་མི་འདོད་བཞིན་དུ་ཕ་ཡུལ་གྱི་ཆེས་སྤྱིར་བཏང་གི་རོང་མོ་དཀྱུས་མ་ཞིག་གི་ངོས་ཐད་ནས་སླེ་བོ་གྲུ་བཞི་རྒྱབ་ལ་ཁུར་ནས་ཟོར་ཆུང་ལེབ་མོ་སྐེད་ལ་བཏེགས་ཏེ་ཞིང་ལས་ལ་འབད། ཁོ་མོ་ལ་ཆུང་དུས་ནས་བག་ཆགས་ཀྱི་སྐད་ངག་སྙན་མོ་ཞིག་ལྷན་སྐྱེས་སུ་ཡོད་པས། རྣམ་ཀུན་རྣང་ཞིང་གི་གྲུ་ག་རེ་རེ་ནས་བདེ་མོ་ངག་ལ་བཀུག་པའི་དམངས་གླུའི་འགྱུར་ཁུགས་སྙན་མོས་ཡུལ་དེའི་ལས་རོགས་བུ་མོ་ཚོར་ལས་ཚེགས་ཀྱི་ངལ་བ་དྲུངས་ནས་ཕྱུངས་ཏེ་དགའ་སྐྱིད་ཀྱི་སྣང་བ་ཡང་མོ་ཞིག་སྟེར་བཞིན་ཡོ
