སྐལ་བཟང་བཀྲ་ཤིས་ནི་སྤྱི་ལོ1984ལོར་མཚོ་སྔོན་ཞིང་ཆེན་རེབ་གོང་ཐུན་རིང་རྫོང་དུ་སྐྱེས། ཁོ་རང་བྱིས་པའི་དུས་ནས་གླུ་དང་རོལ་མོར་དགའ་བས་སློབ་འབྲིང་མཐར་ཕྱིན་རྗེས་གླུ་བའི་འཚོ་བར་རོལ་འགོ་བརྩམས། སྤྱི་ལོ2000ལོ་ནས2005ལོ་བར་རེབ་གོང་རྫོང་གི་གཞས་ར་སོགས་སུ་གླུ་བླངས་ཤིང་རྒྱ་ཆེའི་གཟིགས་མོ་བས་དགའ་བསུ་ཆེན་པོ་ཐོབ་མྱོང་།

དེ་ལྟར་གླུ་དང་རོལ་མོ། འཚོ་བ་སོགས་ལ་དགའ་དད་ཀྱིས་ཕྱུག་ཅིང་། རང་གི་མ་འོངས་པར་རེ་སྙེག་བྱེད་བཞིན་པའི་སྐབས་ཤིག་ན། 2005ལོའི་ཉིན་ཞིག་གློ་བུར་དུ་ཁོ་བོའི་འདྲེན་བྱེད་ཀྱི་ཡུལ་དུ་ཁ་དོག་སྣ་ཚོགས་ཀྱིས་ཕྱུག་པའི་འཛམ་གླིང་དེ་ནམ་ཡང་མངོན་དུ་མེད་པར་སོང་ནས་ཁོ་བོའི་འདྲེན་བྱེད་ཟུང་དོན་གྱི་བྱེད་ནུས་སྟོང་དུ་གྱུར། སྤྱི་ལོ2005ལོའི་དབྱར་དུས་སུ་ཁོས་རྐང་བའི་འདེགས་འཇོགས་ལྕི་མོ་བསྒྱུར་བཞིན་བོད་ལྗོངས་ལྷ་སའི་ལོང་བའི་སློབ་གྲྭར་ཞུགས། དེ་གར་ལོང་ཡིག་དང་། གློག་ཀླད། དབྱིན་སྐད། རྒྱ་ཡིག་སོགས་ཀྱི་ཤེས་བྱར་སྦྱང་བརྩོན་བྱས་ནས་ཁོ་བོས་ལོང་བ་མུན་པའི་འཇིག་རྟེན་གྱི་ནང་ཁ་དོག་སྣ་ཚོགས་ཀྱིས་ཕྱུག་པའི་འཇིག་རྟེན་ཞིག་རྙེད་ཐབས་བྱས།

སྤྱི་ལོ2007ལོར་བོད་ལྗོངས་སློབ་གྲྭ་ཆེན་མོའི་སྒྱུ་རྩལ་སློབ་གླིང་ཟུར་ཐོག་དུ་ཞུགས། དེ་གར་དགེ་རྒན་ཆེན་མོ་ཚེ་སྒྲོ