ཚེ་རིང་ལྷ་མོ་ནི་མདོ་སྨད་རྨ་ཀླུང་དལ་འབབ་རིང་མོའི་ལྷོ་རྒྱུད་ཁྲི་ཀའི་ཡུལ་ནས་སྐྱེས་ཤིང་། སློབ་གྲྭ་ཆེ་མ་ཆུང་གསུམ་རིམ་བཞིན་འགྲིམས་ནས་སྤྱི་ལོ་ཉིས་སྟོང་ལྔ་ལོར་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་ནས་དངོས་གཞི་མཐར་ཕྱིན་རྗེས་མཚོ་སྔོན་བོད་སྐད་བརྙན་འཕྲིན་ཁང་དུ་ཡོང་ནས་སྙན་སྒྲོན་པའི་ལས་ཀ་གཉེར། སྙན་སྒྲོན་དང་མདོ་འཛིན་ནི་ཁོ་མོའི་ཆུང་དུས་ནས་ད་ལྟའི་བར་གྱི་ཧ་ཅང་དགའ་ཞིང་དུངས་བའི་ལས་རིགས་ཤིག་ཡིན་ལ། རང་ཉིད་ཀྱི་དགའ་ཕྱོགས་ལ་དུས་ཡུན་རིང་བོར་རང་ནུས་ཀྱིས་འབད་པ་བྱས་པས་གཞི་ནས་བྱ་བའི་ལས་རྐང་དེར་འཇུ་ཐུབ་པ་བྱུང་།

ཚེ་རིང་ལྷ་མོ་ལ་མཚོན་ན་གླུ་ལེན་རྒྱུ་དེའང་ཆུང་དུས་ནས་འཚོ་བའི་ཆ་ཤས་ཤིག་ཏུ་གྲུབ་ཚར་ཡོད་ཅིང་། སྙན་མོ་གླུ་ཡ